Böyük Britaniya "Brexit"dən sonra diplomatik korpusunu artırmağı nəzərdə tutur

Böyük Britaniya Avropa İttifaqından çıxdıqdan ("Brexit"dən) sonra müxtəlif ölkələrlə əlaqələrini genişləndirmək üçün diplomatik korpusunu, təqribən, 1000 nəfər artırmaq niyyətindədir.

Bu barədə ölkənin xarici işlər naziri Ceremi Hant məlumat verib.

"Bizim demokratiya dəyərlərimiz Berlin divarının sökülməsindən sonrakı dövrdə, bəlkə də, ən böyük təhlükə altındadır. İndi bu dəyərləri qorumaq üçün nüfuzumuzu, imkanlarımızı, gücümüzü işə salmalıyıq", - C.Hant bildirib. 

Nazirin sözlərinə görə, xarici səfirliklərin ştat cədvəli 335 yer artırılacaq ki, bunların da 329 ştat yerinə yerli vətəndaşlar qəbul olunacaq. Xarici İşlər Nazirliyinin Londondakı mərkəzi aparatının ştatı isə 328 yer artırılacaq.

report