Səudiyyə Ərəbistanı Konsulluğunun 5 türkiyəli əməkdaşı dindirilib

Türkiyənin Səudiyyə Ərəbistanının İstanbuldakı Baş Konsuluğunda işləyən 5 vətəndaşı Camal Qaşıqçının öldürülməsiilə bağlı istintaqa çağırılıb.

İstanbul prokurorluğu şahid qismində Konsulluqda işləyən 45 nəfərin ifadəsini alacaq 

İndiyədək onlardan yalnız 20-i şahid kimi dindirilib.

Qeyd edək ki, oktyabrın 2-də jurnalist Camal Qaşıqçı Səudiyyə Ərəbistanının İstanbuldakı Baş Konsulluğunun binasında öldürülüb. Krallıq onun qətlə yetirildiyi ilə bağlı açıqlama vermirdi. Ancaq oktyabrın 20-də Səudiyyə Ərəbistanı rəsmi olaraq, jurnalistin Konsulluğun binasında öldürüldüyünü etiraf edib. Kral Salman və vəliəhd şahzadə Məhəmməd bin Salman Camal Qaşıqçının ailəsinə başsağlığı verib. 

"Report"