Vitse-prezident: "Şimali Koreya Dünya Bankının üzvü ola bilər"

"Koreya Xalq Demokratik Respublikası (KXDR) iqtisadiyyatın açıqlığını artıracaq bir sıra islahatlar apararsa Dünya Bankının üzvü ola bilər".

Bu barədə "Yonhap" agentliyinə müsahibəsində Seulda səfərdə olan Dünya Bankının böyük vitse-prezidenti Mahmud Mohieldin bildirib.

"Dünya Bankına qoşulmaq üçün dövlətlər bir sıra tələblərə, o cümlədən dünya ictimaiyyətinin Koreya yarımadasında sülh və sabitliyə dair gözləntilərinə cavab verməlidir. Bundan başqa, KXDR əvvəlcə Beynəlxalq Valyuta Fondunun üzvü olmalıdır", - M.Mohieldin deyib.

report