Ukrayna macar konsulu ölkədən qovdu – Səbəb

Ukrayna Bereqova şəhərindəki Macarıstan konsulunu arzuolunmaz şəxs elan edib.

Bu məlumatı Ukrayna Daxili İşlər Nazirliyi yayıb. Nazirlik bu barədə rəsmən Macarıstanın Ukraynadakı səfiri Erno Keşkenyuya məlumat verildiyini bildirib. Konsulun ölkəni tərk etməsinə 72 saat vaxt qoyulub.

Xatırladaq ki, Ukraynanın Xarici İşlər naziri Pavel Klimkin bir neçə gün öncə Zakarpartye vilayətində Ukrayna vətəndaşlarına Macarıstan pasportlarının verildiyini faktlarla macar həmkarı Peter Siyartoya çatdırdığını bildirmiş, bunun konsulluq münasibətlərinə dair Venesiya Konvensiyasının tələblərinə zidd olduğunu vurğulamışdı: "Mən macar həmkarıma konsullarının geri çağırılmasını təklif etdim. Əgər bu baş verməsə, bu həftə konsulun ölkədən çıxarılmasına dair nota təqdim edəcəyik", - Klimkin bəyan etmişdi.

axar.az