Efiopiya 20 ildən sonra Eritreyada yenidən səfirliyini açıb

Efiopiya 20 ildən sonra Eritreyanın paytaxtı Əsmərada yenidən səfirliyini açıb.

Rəsmi açılış mərasimində Eritreya Prezidenti İsayas Afevorki və Efiopiyanın Baş naziri Abiy Əhməd iştirak ediblər.

Xatırladaq ki, 1998-ci ilin mayında baş vermiş sərhəd münaqişəsi səbəbindən iki ölkə arasında diplomatik münasibətlər pozulub. Bu il iyulun 8-də Efiopiyanın Baş naziri A.Əhməd Əsmərada Eritreya Prezidenti ilə görüşərək ərazi mübahisəsinin nizamlanmasına dair danışıqlar aparıb, nəticədə sülh və dostluq barədə birgə bəyannamə imzalanıb.

Bundan əvvəl, iyulun 16-da Eritreya dövləti Efiopiyada öz diplomatik missiyasını yenidən açıb.

AZƏRTAC