Britaniyalı nazir: "“Brexit” danışıqları iflasa uğraya bilər"

Böyük Britaniya ilə Avropa İttifaqı (Aİ) arasında "Brexit" danışıqları iflasa uğraya bilər.

Bunu Böyük Britaniyanın xarici işlər naziri Ceremi Hant deyib.

Eyni zamanda o, danışıqların uğurla yekunlaşacağına ümid etdiyini bildirib:

"Mən inanıram ki, yekunda biz saziş imzalayacağıq, amma sazişin əldə olunmaması ehtimalı da artmaqdadır".

Nazir bildirib ki, "Brexit"lə bağlı razılaşmanın qarşısında duran çətinlik Aİ ölkələrinin yanaşmasıdır:

"Bir tərəfdən onlar Böyük Britaniyaya yaxşı saziş təklif etmək istəyirlər. Digər tərəfdən isə, onlar bu sazişin əldə olunacağı təqdirdə digər ölkələrin Aİ-dən ayrılmaq istəyə biləcəyini düşünür".

Trend