Peskov Kadırovun qanunsuz əməllərini araşdırmağa çağırdı
Rusiya prezidentinin mətbuat katibi Dmitri Peskov müvafiq nəzarət orqanlarını Qroznıda uşaqların iştirakı ilə keçirilən qaydasız döyüş turnirini yoxlamağa çağırıb.
6 Oktyabr 2016 16:13 DünyaRusiya prezidentinin mətbuat katibi Dmitri Peskov müvafiq nəzarət orqanlarını Qroznıda uşaqların iştirakı ilə keçirilən qaydasız döyüş turnirini yoxlamağa çağırıb.
Avropa.info xəbər verir ki, o, bu barədə uşaq hüquqları üzrə səlahiyyətli nümayəndə Anna Kuznetsovanın susqunluğu ilə bağlı suala şərh verərkən danışıb.
"Əgər bunu televizorda göstəriblərsə və bu həqiqətdirsə, uşağın televiziya efirində nokauta salınması müvafiq nəzarət orqanlarının bu hadisəni yoxlaması üçün şübhəsiz ki, ciddi səbəbdir" - Peskov belə deyib.
İdman nazirinin müavini Pavel Kolokov söz verib ki, uşaqların iştirakı ilə keçirilən qaydasız döyüşləri yoxlayacaq.
Qeyd edək ki, 2 gün əvvəl Qroznıda keçirilən Grand-Prix Akhmat 2016 Final turnirində uşaqlar, o cümlədə Ramzan Kadırovun oğlanları iştirak etmişdilər. 10 yaşlı Əhməd, 9 yaşlı Zəlimxan, 8 yaşlı Adəm Kadırovlar rəqibləri olan bütün uşaqları döyərək qalib gəlmişdilər. Əhməd Kadırov döyüşün 14-cü saniyəsində uşağı nokaut vəziyyətinə salmışdı.
Ramzan Kadırov yarışın gedişini şəxsən izləyib. Turnirin özü isə "Matç Boyets" telekanalında göstərilib.