Yerevanda polis və vətəndaşlar arasında yaşanmış qarşıdurma ilə əlaqədar bir nəfər saxlanılıb
Yerevanda iyulun 19-da polis və vətəndaşlar arasında yaşanmış qarşıdurma ilə əlaqədar bir nəfər saxlanılıb.
20 İyul 2016 18:10 DünyaYerevanda iyulun 19-da polis və vətəndaşlar arasında yaşanmış qarşıdurma ilə əlaqədar bir nəfər saxlanılıb.
Ermənistan KİV-i xəbər verir ki, bu barədə Ermənistan İstintaq Komitəsinin mətbuat xidmətindən məlumat verilib.
Bildirilib ki, hakimiyyət nümayəndəsinə qarşı zor tətbiq etdiyinə görə, Yerevan sakini, 1978-ci il təvəllüdlü A.Torosyan Cinayət Məcəlləsinin 316-cı maddəsinin 2-ci bəndinə uyğun olaraq saxlanılıb.
Qeyd edək ki, daha əvvəl qarşıdurmalar nəticəsində polis məmurlarının və mülki vətəndaşların xəsarət aldığı bildirilirdi. Qarşıdurma nümayişçilərin Yerevanda post-patrul xidməti alayının binasını ələ keçirən silahlı qruplaşmaya dəstək verməsi nəticəsində yaşanıb.