Sabirabadda “Mənəvi dəyərlərimiz - dünən, bu gün, sabah” mövzusunda seminar-treninq keçirilib

Noyabrın 22-də Mənəvi Dəyərlərin Təbliği Fondunun təşkilatçılığı və Sabirabad Rayon İcra Hakimiyyətinin dəstəyi ilə Sabirabadda “Mənəvi dəyərlərimiz - dünən, bu gün, sabah”” mövzusunda seminar-treninq keçirilib. “OLAYLAR”-a Dini Qurumlarla İş üzrə Dövlət Komitəsindən bildirilib ki, tədbiri giriş sözü ilə açan Sabirabad Rayon Gənclər və İdman İdarəsinin rəisi Nadir Quliyev mənəvi dəyərlərin təbliğinin hər bir vətəndaşın borcu olduğunu bildirib.

Noyabrın 22-də Mənəvi Dəyərlərin Təbliği Fondunun təşkilatçılığı və Sabirabad Rayon İcra Hakimiyyətinin dəstəyi ilə Sabirabadda "Mənəvi dəyərlərimiz - dünən, bu gün, sabah"" mövzusunda seminar-treninq keçirilib.  "OLAYLAR"-a Dini Qurumlarla İş üzrə Dövlət Komitəsindən bildirilib ki, tədbiri giriş sözü ilə açan Sabirabad Rayon Gənclər və İdman İdarəsinin rəisi Nadir Quliyev mənəvi dəyərlərin təbliğinin hər bir vətəndaşın borcu olduğunu bildirib.

Daha sonra çıxış edən Mənəvi Dəyərlərin Təbliği Fondunun icraçı direktorunun müavini Ceyhun Əliyev Fondun həyata keçirdiyi genişmiqyaslı tədbirlər haqqında danışıb. C.Əliyev mənəvi dəyərlərin qorunması və inkişafına dövlət qayğısının yüksək səviyyədə olduğunu diqqətə çatdırıb, Prezident İlham Əliyevin rəhbərliyi ilə mənəvi sahədə görülmüş işlər haqqında məlumat verib.

Tədbirdə çıxış edən Jurnalist Araşdırmaları Mərkəzinin sədri Seymur Verdizadə milli və mənəvi dəyərlərin gənclər arasında təbliğ edilməsinin böyük əhəmiyyət kəsb etdiyini qeyd edib. S.Verdizadə elm və təhsilin gənclər üçün yeni imkanlar yaratdığını vurğulayıb.

Qafqaz Müsəlmanları İdarəsinin səlahiyyətli nümayəndəsi Ağakərim Sadıqov dini dəyərlərin mənəvi dəyərlərin tərkibi olduğunu və Azərbaycanda dövlət-din münasibətlərinin yüksək səviyyədə təşkil edildiyini bildirib.

Gənc Murad Həsənli dövlətin uğurlu gənclər siyasətinin onların mənəvi tərbiyəsinə müsbət təsir göstərdiyini diqqətə çatdırıb.

Tədbirin yekununda iştirakçılarla fikir mübadiləsi aparılıb.