"Market açılana qədər məktəbəqədər təhsil müəssisəsi açılsın"-Deputat

"Hər tikilən yeni binanın həyətində məktəbəqədər təhsil müəssisəsi olmalıdır". "Olaylar" xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib. Deputat qeyd edib ki, binaların həyətində market və başqa yerlər açılana qədər məktəbəqədər təhsil müəssisəsi açılsa, daha yaxşı olar: "Sahibkarlara da bu məsələdə dəstək verilməlidir. Bu da sağlam gələcəyimizin formalaşmasında vacib şərtlərdən biridir. Elə müəssisələr var ki, orada hər uşağa görə 7 min illik ödəniş tələb edilir. Bu kimi məsələlərə də baxmaq lazımdır ki, hər bir ailənin buna imkanı çatsın".