Luçesku 5-ci oldu

Çempionlar Liqasının qrup mərhələsində "Malmö" ilə səfər oyunu "Şaxtyor"un (Donetsk) baş məşqçisi Mirça Luçesku üçün əlamətdar olub. Qol.Az-ın xarici KİV-lərə istinadən verdiyi məlumata görə, rumıniyalı mütəxəssis qitənin ən mötəbər klub turnirində 100-cü matçını keçirib. Luçesku bu göstəricidə 5-ci olub. Daha öncə Ser Aleks Fergüsson (190), Arsen Venger (171), Karlo Ançelotti (142) və Joze Mourinyo (130) Çempionlar Liqasında komandasını 100-cü oyuna çıxarıb.

Qeyd edək ki, 2004-cü ildən "Şaxtyor"u çalışdıran 70 yaşlı Luçesku daha öncə "Qalatasaray", "Beşiktaş" (hər ikisi Türkiyə), "Rapid", "Dinamo" (hər ikisi Rumıniya) və "İnter" (İtaliya) kimi klublarda işləyib.