Ilin son ayı uduşlarla boldur...
“Qış Möcüzəsi”nin reallaşmasına vur-tut 2 gün qalır
Daha bir il də tarixə qovuşmaqdadır və istehlak bazarında da ənənəvi olaraq yeni il qabağı canlanma müşahidə olunmaqdadır. Lotereya bazarında bu canlanma, bir neçə səbəbdən xüsusilə qabarıq bir şəkildə nəzərə çarpır. Əvvəla, ötən ayın sonunda "Super Loto" lotereyasının tirajında 196 min 20 manat məbləğində möhtəşəm uduş qeydə alındı. İntellektual lotereyalar bu uduşa orijinal şəkildə cavab verdilər. Dekabr ayının 5-də bu lotereyaların tirajlarında 10 dəqiqə ərzində iki "Cek Pot" uduldu. İştirakçılardan biri "5/36"dan 65 min 490 manat, 10 dəqiqə sonra digər iştirakçı "6/40"dan 42 min 433 manat məbləğində "Cek Pot"a sahib oldular. Bəxtəvər həmvətənlərimizi təbrik edirik. Düşərli olsun. Bu unikal bir hadisədir.
On dəqiqə ərzində iki "Cek Pot"uduldu!
Yeri gəlmişkən, belə unikal hadisə "Azərlotereya"nın təşkil etdiyi lotereyalarda ilk dəfə qeydə alınmır. Bəlkə də 2013-cü ilin 16 sentyabr tarixi təcrübəli lotereya azarkeşlərinin yadından çıxmayıb. Həmin gün də 10 dəqiqə ərzində iki "Cek Pot" udulmuşdu. Bəli, bu lotereyadır və burada hər şey bir an içərisində dəyişir. Təsadüfün, intuisiyanın, intellektin, bəxtin və nəhayət daxili inamın, nikbinliyin vəhdəti Sizə bir an içində möcüzə bəxş edir, həyatınızı dəyişir. Bu uduşları canlı yayımda izləyən "Space" televiziyasının tamaşaçıları 10 dəqiqə ərzində unudulmaz anlar yaşayıblar.
Lotereya bazarındakı canlanma həm də hazırda fəaliyyətdə olan lotereyalarda oynanılan uduşlarla bağlıdır. İnanılmaz olsa da, hazırda "Binqo" lotereyasının bir tirajında oynanılan uduşların ümumi məbləği yarım milyon manata yaxındır. "Klassik Loto"nun hazırki "MeqaPot"unun məbləği isə 229 min manatdır. Bu bir həqiqətdir ki, bu məbləğlər çoxlarımızın həyatını kökündən dəyişməyə qadirdir.
Ümumiyyətlə, ilin son ayı uduşlarla boldur. Təsəvvür edin ki, bazarda fəaliyyət göstərən ani lotereyalarda bir milyon ədəddən çox uduş öz xoşbəxt sahiblərini gözləyir. Nəhayət, xatırladırıq ki, ayın sonunadək lotereya həvəskarlarını daha 15 avtomobil, o cümlədən, "Qış Möcüzəsi" lotereyasında 5 ədəd Kia"Rio", "Super Binqo" və "Yeni il sevincləri"
lotereyalarının hər birində isə 5 ədəd Volkswagen "Polo" oynanılır. İlk olaraq dekabrın 25-də "Qış Möcüzəsi" lotereyasının tirajı keçiriləcək və bu lotereyanın şərtləri haqda oxucularımıza ötən yazıda ətraflı məlumat vermişik. Dekabrın 28-də isə "Super Binqo" lotereyasının 5 turdan ibarət maraqlı tirajı gözlənilir. İlk turda üfüqi sıralarından hər hansı biri, ən tez dolmuş bilet Volkswagen "Polo" avtomobili udur. İkinci turda hər hansı iki üfüqi sırası, üçüncü turda hər hansı üç üfüqi sırası, dördüncü turda hər hansı dörd üfüqi sırası ən tez dolmuş biletlər uduşlu sayılırlar və hər biri Volkswagen "Polo" avtomobilinə sahib olurlar. Beşinci tur uduş fondu bitənədək davam edir və beş üfüqi sırası tam dolmuş bütün biletlər uduşlu sayılırlar. Bu turda ilk tam dolmuş bilet daha bir Volkswagen "Polo" avtomobilini udur.
Bayram layihələrinin sonuncusu dekabrın 30-da başa çatır. Həmin axşam bu lotereyanın üç turdan ibarət olan tirajı keçiriləcək. Birinci turda istənilən üfüqi sıralarından biri, ikinci turda isə üç lövhəsindən biri ən tez dolmuş bilet uduşlu sayılır. Bu biletlər Volkswagen "Polo" avtomobilləri qazanırlar. Üçüncü turda ilk tam dolmuş bilet də Volkswagen "Polo" avtomobili udur. Bu tur tiraj bitənədək davam edir və hər hansı bir lövhəsi dolmuş bütün biletlər uduşlu sayılırlar. Əsas oyun başlanmazdan öncə və bitdikdən sonra seriya nömrəsi lototrondan çıxan altı rəqəm ilə uyğun gələn lotereya biletləri daha iki Volkswagen "Polo" avtomobilinə sahib olurlar. Hər iki halda lototrondan çıxan nömrə satılmamış lotereya biletinə təsadüf edərsə, şarlar lototrona qaytarılır və bu prosedur avtomobillər 100 faiz udulanadək təkrar olunur. Yeri gəlmişkən, nəzərinizə çatdırmaq istərdik ki, Siz çoxlu pul mükafatları və 15 avtomobilin uduşunu "Space" TV-nin canlı yayımında seyr edə bilərsiniz. Hərçənd, bu bir həqiqətdir ki, bir avtomobil udmaq 15 avtomobil uduşunu seyr etməkdən qat-qat yaxşıdır. Nikbin olun və Yeni 2016-cı ilə uduş sevinci ilə daxil olun...