“Qış Möcüzəsi” sizləri gözləyir...
“Azərlotereya” elelktron bilet satışını da həyata keçirir
Lotereya bazarında müxtəlif zövqə uyğun maraqlı və əyləncəli lotereyalar var. Bu lotereyalar istehlakçılara kifayət qədər iri məbləğdə uduşlar təklif edir. Məsələn, təkcə həftəlik lotereyalarda oynanılan "Cek Pot" və "Meqa Pot" kimi uduşların ümumi məbləği 997 min manatdır.
"Azərlotereya" ASC bu tip uduşların oynanıldığı gedişlərin sayını artırır. Hazırda "Binqo"da 175 min manat məbləğində "Super Binqo" uduşu 31, "Super Loto" və "Klassik Loto" lotereyalarında 197 min manat və 224 min manat məbləğində "Meqa Pot" uduşları isə 33 gedişə oynanılır. Asudə vaxtlarında loto oynamağı xoşlayan oxucularımız bilirlər ki, bu gedişlərlə həftəlik lotereyaların udulma ehtimalı yüksəkdir. Yerigəlmişkən, intellektual lotereyalarda bu ehtimal son aylarda bir neçə dəfə gerçəkləşib. Sonuncu dəfə oktyabrın 29-da "6/40" lotereyası bəxtəvər bir həmvətənimizə 96 min 488 manat məbləğində uduşun sevincini yaşatdı. Tirajlı lotereyalarla yanaşı, ani lotereyalar da gündən-günə populyarlaşmaqdadır. Təsəvvür edin ki, hazırda bu lotereyalar istehlakçılara 1-2 manatdan başlayaraq 50-100 min manatadək uduşlar təklif edir. İnanılmazdır, deyilmi?
Digər tərəfdən isə ani lotereyalarda artıq "1 bilet -1 uduş, poz və ud!" yanaşması artıq geridə qalıb. Son zamanlar bazara çıxarılan bütün ani lotereyalarda bir biletdə bir neçə uduş adi hala çevrilib. Bu isə ani lotereyada iştirakı maraqlı etməklə bərabər, iştirakçının udmaq şansını da artırır.
Ötən yazılarımızda qeyd etdiyimiz kimi, bazarda çoxlu sayda və kifayət qədər iri məbləğlərdə uduşlar təklif edən həftəlik, ani və intellektual lotereyalarla yanaşı, bayram lotereyaları da vardır. Bu qəbildən olan və öz populyarlığı ilə seçilən "Qış Möcüzəsi"nin tirajı dekabrın 25-də keçiriləcəkdir. Həmin axşam tamaşaçılar "Space" TV-də canlı efirdə həmvətənlərimizin 5 ədəd avtomobil
uduşuna şahidlik edəcəklər. Amma danılmaz həqiqətdir ki, uduş sevincini yaşamaq bu sevincə şahidlik etməkdən qat - qat yaxşıdır. Bəli, yeni il qabağı KIA "Rio" möcüzəsini reallaşdıra bilərsiniz!
"Qış Möcüzəsi" lotereyasının tirajı üç turdan ibarətdir. Birinci turda istənilən üfüqi sıralarından biri, ikinci turda isə üç lövhəsindən biri ən tez dolmuş bilet uduşlu sayılır. Bu biletlər KIA "RİO" avtomobilləri udurlar və bu turlarda ilk "gözləyənlər" mükafatlandırılırlar. Üçüncü turda ilk tam dolmuş bilet də KIA "RİO" avtomobili udur. Bu tur tiraj bitənədək davam edir və hər hansı bir lövhəsi dolmuş bütün biletlər uduşlu sayılırlar. Avtomobilin uduşundan sonra sahiblərinə çoxsaylı sanballı pul uduşları qazandıran biletlərin iki və ya üç lövhəsi dolmuşsa uduşlar cəmlənir. Əsas oyun başlanmazdan öncə və bitdikdən sonra biletin seriya nömrəsi lototrondan çıxan altı rəqəm ilə uyğun gələn lotereya biletləri daha iki KIA "RİO" avtomobilinə sahib olurlar. Hər iki halda lototrondan çıxan nömrə satılmamış lotereya biletinə təsadüf edərsə, şarlar lototrona qaytarılır və bu prosedur avtomobillər udulanadək təkrar olunur. Beləliklə, lotereya həvəskarları yetərincə uduş imkanlarına malikdirlər.
İstənilən lotereyada uduşun ilkin və ən vacib şərti lotereya bileti almaqdır. "Azərlotereya" ASC lotereya həvəskarlarının bilet almaq imkanlarını genişləndirmək və asanlaşdırmaq üçün elelktron bilet satışını da həyata keçirir. Lotereya biletlərini evdən çıxmadan, www.azerlotereya.com saytına daxil olmaqla əldə etmək olar. Burada "Ana səhifə" yazılan sırada istədiyiniz lotereyanı seçin, bu lotereyanın sırasında kursoru "video bələdçi" bölməsinə gətirərək sıxın. "Video bələdçi" Sizə istədiyiniz lotereya biletini alma qaydalarını müfəssəl izah edəcək. Siz burada istədiyiniz rəqəmlərin istədiyiniz kombinasiyada şablonlarını yarada bilərsiniz. Ümumiyyətlə, www.azerlotereya.com saytında lotereyalar haqqında Sizi maraqlandıran bütün suallara cavab tapmaq mümkündür. Beləliklə, evdən çıxmadan möhtəşəm uduşlar uğrunda möhtəşəm mübarizənin iştirakçısı ola bilərsiniz. Çalışın bu mübarizədən qalib çıxasınız...