COP28-də Azərbaycan pavilyonunu 6 mindən çox şəxs ziyarət edibr

Birləşmiş Ərəb Əmirliklərinin Dubay şəhərində BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyası - COP28-də Azərbaycan pavilyonunu 6 mindən çox şəxs ziyarət edib.

Bu barədə Olaylar.az-a Ekologiya və Təbii Sərvətlər Nazirliyinin mətbuat xidmətindən məlumat verilib.

Qeyd edək ki, bu il noyabrın 30-dan dekabrın 12-dək keçirilən sessiyada Azərbaycan ilk dəfə olaraq pavilyonla təmsil olundu. Pavilyon Heydər Əliyev Fondu, Ekologiya və Təbii Sərvətlər Nazirliyinin birgə təşkilatçılığı ilə yaradılmışdı.

COP28-də fəaliyyətini uğurla başa vuran ölkəmiz artıq COP29-un ev sahibidir.