Ali məktəblərə keçid ballarının aşağı olması çox narahatedici haldır - ÖZƏL

"Bu il Azərbaycan universitetlərində bir sıra ixtisaslar üzrə keçid ballarının aşağı olması əslində çox narahatedici haldır və bunun heç bir ciddi və elmi əsaslandırması yoxdur". Bunu "Olaylar"a deyən millət vəkili Ceyhun Məmmədovun sözlərinə görə, cəmiyyət tərəfindən bu məsələnin birmənalı qarşılanmaması və geniş müzakirə olunması təbiidir:  "Düşünürəm ki, bu, bir daha orta məktəblərdə təhsilin məzmun və keyfiyyətinin artırılması ilə bağlı çox ciddi və zəruri addımların atılmasının önəmini ortaya çıxarır. Bu onu göstərir ki, biz orta məktəblərdə təhsilin məzmununa və keyfiyyətinə daha çox diqqət etməli və çox ciddi addımlar atmalıyıq. Ona görə də aidiyyatı qurumlar bu istiqamətdə ciddi düşünməli və zəruri addımları atmalıdır. Əks halda hər il  balların daha da aşağı düşdüyünün şahidi olacağıq".