Təhsil naziri müəllimlərin seçki prosesində iştirakına münasibət bildirib

Təhsil işçilərinin seçki müddətində iştirakı dövrü xarakter daşıyır. Fikrimcə həmin müddətdə onların əməkhaqları olduğu kimi saxlanılaraq bu işdə iştirakında heç bir qanun pozuntusu yoxdur.

Olaylar.az "Report"-a istinadən xəbər verir ki, bunu elm və təhsil naziri Emin Əmrullayev keçirdiyi brifinqdə deyib.

Nazir bildirib ki, adətən kənd yerlərində ali təhsilli insanlar məktəbdə olduğundan onların seçki prosesinə dəstəyi müsbətdir:

"Təhsil işçilərinin təşkilatçılıq qabiliyyəti olduğundan öz arzu və istəyi ilə seçki prosesinə cəlbində maneə görmürəm. Bütövlükdə isə onlar bu işə təyinatla göndərilmir".