Deputat qazilərə sənəd verilməsi mexanizminin sadələşdirilməsini təklif etdi

Qazilər üçün lazım olan sənədlərin alınması mexanizmini asanlaşdırmaq lazımdır. "Olaylar" xəbər verir bunu Milli Məclisin fevralın 23-də keçirilən iclasında deputat Nigar Arpadarai deyib. Deputat bildirib ki, vətən müharibəsində iştirak edən qazilərimiz bilməlidir ki, dövlət onların qayğısına qalır: "Həmin o yaralılar, qazilər sənəd almaq üçün dəfələrlə gedib-gəlməli deyillər. ASAN Xidmət kimi bir mexanizm qurula bilər. Bizim kifayət qədər könüllülərimiz var. Bu sənədləri könüllülər vasitəsilə də qazilərin evlərinə göndərmək olar".