Avtomobili qaçıran şəxs saxlanıb

Quba RPŞ-yə fevralın 16-da saat 16 radələrində Aşağı Atuc kəndi ərazisindən şəhər sakini S.Dadaşova məxsus "VAZ-2107" markalı avtomobilin qaçırılması barədə məlumat daxil olmuşdur. DİN-dən "Olaylar"a bildirilib ki,  polis əməkdaşlarının keçirdikləri əməliyyat-axtarış tədbirləri nəticəsində həmin avtomobillə Xaçmaz şəhəri ərazisində yol-nəqliyyat hadisəsi törədilməsi müəyyən edilmişdir. Nəqliyyat vasitəsini qaçırmaqda şübhəli bilinən Qusar rayon sakini, əvvəllər məhkum olunmuş R.Mirzəliyev müəyyən edilərək saxlanılmışdır. Onun sərxoş halda olması aşkar edilmişdir. Araşdırma aparılır.