Nəsimi rayonunda növbəti “Abad həyət” sakinlərin istifadəsinə verilib

Azərbaycan Respublikası Prezidenti cənab İlham Əliyevin əhalinin məşğulluq səviyyəsinin, işgüzarlıq fəaliyyətinin artırılması və maddi rifahının yüksəldilməsi, kiçik və orta sahibkarlığın inkişafı üçün münbit şəraitin yaradılması, abadlıq-quruculuq işlərinin davam etdirilməsi istiqamətində verdiyi tapşırıqların yerinə yetirilməsi ilə bağlı yerli infrastruktur layihələrin icra olunması məqsədilə Bakı şəhəri Nəsimi rayonunda bir sıra işlər həyata keçirilmiş və hazırda növbəti layihələr reallaşdırılmaqdadır.

Azərbaycan Respublikası Prezidenti cənab İlham Əliyevin əhalinin məşğulluq səviyyəsinin, işgüzarlıq fəaliyyətinin artırılması və maddi rifahının yüksəldilməsi, kiçik və orta sahibkarlığın inkişafı üçün münbit şəraitin yaradılması, abadlıq-quruculuq işlərinin davam etdirilməsi istiqamətində verdiyi tapşırıqların yerinə yetirilməsi ilə bağlı yerli infrastruktur layihələrin icra olunması məqsədilə Bakı şəhəri Nəsimi rayonunda bir sıra işlər həyata keçirilmiş və hazırda növbəti layihələr reallaşdırılmaqdadır. "Olaylar" xəbər verir ki, Nəsimi rayonunda da genişmiqyaslı abadlıq, quruculuq, yenidənqurma və yaşıllaşdırma işləri davam edir. Əhalinin asudə vaxtlarının səmərəli keçirilməsi və istirahəti üçün mövcud parklarda və binaların həyətlərində yeni skamyalar, yeni söhbətgahlar qoyulur, uşaqlar üçün əyləncəli idman qurğuları quraşdırılır. Əhalinin ümumi istifadəsində olmalı olan, binaların həyətlərində özbaşına hasara alınmış ərazilərin çəpərləri sökülərək ərazidə təmizlik işləri aparılır, mövcud ağaclar budanır, səliqə-səhman yaradılır. Abadlıq quruculuq işləri çərçivəsində H.Seyidzadə küçəsi 2, 5, 15, 35, 37 ünvanlarında geniş abadlıq işləri aparılmış, çoxsaylı binaların fasadları əsaslı təmir olunmuş, binaların blok girişləri, blok qapıları və pəncərələri yenilənmiş və "Abad həyət" salınmışdır. Novruz bayramı ərəfəsində 2-ci mikrorayon, H.Seyidzadə küçəsi 37 ünvanının qarşısında "Abad həyət" Nəsimi rayon sakinlərinin istifadəsinə verilmişdir. Bu ünvanda binaların fasadı, dam örtüyü və zirzəmiləri əsaslı təmir edilmiş, binaların blok girişləri, blok qapıları və pəncərələri yenilənmişdir. Yaşıllaşdırma işləri aparılmış, həyətə ağac və gül kolları əkilmişdir. Sakinlərin asudə vaxtlarının səmərəli keçirilməsi, istirahətləri üçün söhbətgah quraşdırılmışdır. Bu ünvandakı uşaqların da asudə vaxtlarının səmərəli keçirilməsi üçün xüsusi əyləncə avadanlıqları quraşdırılmışdı. Sonra Nəsimi rayon İcra Hakimiyyətinin Başçısı həmin ünvanda səyyar qəbul keçirib. Qəbulda 200 nəfərdən çox sakin iştirak edib. Sakinlərə ölkə başçısının səyləri nəticəsində əhalinin rifahının daha da artırılması, aparılan geniş abadlıq-quruculuq işləri, həmçinin Nəsimi rayonunda görülən işlər barədə məlumatlar verilmiş, sakinlərin müraciətləri dinlənilib.