Azərbaycanın beynəlxalq təşkilatlarından birləşmə qərarı
Mərkəzi İsveçin Malmö şəhərində yerləşən , tanınmış ictimai xadim, keçmiş DAK sədri Cavad Deraxtinin rəhbərlik etdiyi Dünya Azərbaycanlıları Milli Birlik Təşkilatı və mərkəzi Almaniyanın Köln şəhərində yerləşən Dünya Azərbaycanlıları Assambleyasının rəhbəri, Rəşad Quliyevin arasında görüş keçirilib.
Mərkəzi İsveçin Malmö şəhərində yerləşən , tanınmış ictimai xadim, keçmiş DAK sədri Cavad Deraxtinin rəhbərlik etdiyi Dünya Azərbaycanlıları Milli Birlik Təşkilatı və mərkəzi Almaniyanın Köln şəhərində yerləşən Dünya Azərbaycanlıları Assambleyasının rəhbəri, Rəşad Quliyevin arasında görüş keçirilib. DAA-dan "OLAYLAR"-a bildirilib ki, görüşdə dünyada mövcud olan Azərbaycan təşkilatlarının fəaliyyəti, Azərbaycanın tanıdılması istiqamətində görülən və görüləcək işlər müzakirə edilib. Müzakirənin sonunda mühüm qərar qəbul olunub. Belə ki, hər iki təşkilat arasında birləşmə haqqında razılaşma əldə edilib və ilkin əldə olunan razılığa əsasən qurultayın sentyabr ayında Almaniyanın Köln şəhərində keçirilməsi qərara alınıb.
Qeyd edək ki , bu günlərdə dünyanın müxtəlif ölkələrində fəaliyyət göstərən təşkilatların birgə bəyanat yayaraq birlik qurultayını dəstəkləyəcəklərini bəyan edəcəkləri gözlənilir. Birlik ideyası ətrafında ölkəmizin xaricində bir çox təşkilatların qoşulacağı gözlənilir.