Dil mövzusunda dəyirmi masa

Martın 6-da Azərbaycan Dillər Universitetində (ADU) Azərbaycan dilçiliyi kafedrası və Azərbaycanşünaslıq elmi tədqiqat laboratoriyasının birgə təşkilatçılığı ilə “Dilimiz və mənəviyyatımız” layihəsi çərçivəsində “Azərbaycan dili milli özünüdərk vasitəsidir” mövzusunda dəyirmi masa keçirilib. Olaylar.az bildirtir ki, tədbiri giriş sözü ilə açan Azərbaycan dilçiliyi kafedrasının müdiri, professor Adil Babayev dilin mənəviyyatın özü olduğunu söyləyib.

Martın 6-da Azərbaycan Dillər Universitetində (ADU) Azərbaycan dilçiliyi kafedrası və Azərbaycanşünaslıq elmi tədqiqat laboratoriyasının birgə təşkilatçılığı ilə "Dilimiz və mənəviyyatımız" layihəsi çərçivəsində "Azərbaycan dili milli özünüdərk vasitəsidir" mövzusunda dəyirmi masa keçirilib.

Olaylar.az bildirtir ki, tədbiri giriş sözü ilə açan Azərbaycan dilçiliyi kafedrasının müdiri, professor Adil Babayev dilin mənəviyyatın özü olduğunu söyləyib.

ADU-nun rektoru, akademik Kamal Abdulla bu tipli dəyirmi masaların keçirilməsinin böyük əhəmiyyətinin olduğunu bildirib və belə tədbirlərdə müxtəlif fikirləri bölüşərək yenidən dəyərləndirmək fürsəti əldə etməyin mümkünlüyünü vurğulayıb. Azərbaycan dilinin digər dünya xalqlarının dillərində olduğu kimi milli özünüdərkin formalaşmasında vacib rolunun olduğunu bildirən K.Abdulla tələbələrə "Dilimiz və mənəviyyatımız" layihəsi çərçivəsində keçirilən tədbirlərdən maksimum faydalanmağı tövsiyə edib.

Azərbaycanşünaslıq elmi-tədqiqat laboratoriyasının baş elmi işçisi, professor Niyazi Mehdi istənilən millətin tarixini, mədəniyyətini öyrənmək üçün ilk növbədə həmin millətin dilinə bələd olmağın vacibliyindən danışıb: "Hər bir insan öz ana dilini

bilməli və qorumalıdır. Dil çoxcəhətli, mürəkkəb ictimai hadisədir, dili qorumaq isə dil daşıyıcılarının vəzifəsidir".