29 azərbaycanlı uşaq hələ də erməni girovluğundadır

“Ermənistanın ərazimizə təcavüz etməsi nəticəsində üç yüz mindən artıq uşaq qaçqın və məcburi köçkünə çevrilib”. “OLAYLAR”-ın xəbərinə görə, bu fikirləri Ailə, Qadın və Uşaq Problemləri üzrə Dövlət Komitəsinin sədri Hicran Hüseynova yap.org.az-a müsahibəsində səsləndirib.

"Ermənistanın ərazimizə təcavüz etməsi nəticəsində üç yüz mindən artıq uşaq qaçqın və məcburi köçkünə çevrilib". "OLAYLAR"-ın xəbərinə görə, bu fikirləri Ailə, Qadın və Uşaq Problemləri üzrə Dövlət Komitəsinin sədri Hicran Hüseynova yap.org.az-a müsahibəsində səsləndirib. O, bildirib ki, bu hərbi münaqişə zamanı 175 uşaq qətlə yetirilib,  yaralanan uşaqların sayı isə yüzlərlədir: "Dövlətimiz münaqişə müddətində  214 uşağın əsir və girovluqdan azad edilməsinə nail olub. 66 uşaq itkin düşüb, 29 uşaq  isə hələ də girovluqdadır. Əfsuslar olsun ki,  1994-cü ildə  atəşkəs rejiminin elan olunmasına baxmayaraq, ermənilərin Azərbaycanda uşaqları qətlə yetirilməsi faktları qeydə alınmaqda davam edib və bu dövr ərzində 34 uşaq erməni terrorunun qurbanı olub. Onlardan 14-ü həlak olub, 20-si  isə yaralanıb".