Bilik Fondu kolleclərdə mühazirələr keçirdi
Bilik Fondunun "İl boyu bilik" proqramına uyğun olaraq, Bakı Dövlət Sosial-İqtisad Kollecində tədbir keçirilib. Olaylar bildirir ki, AMEA Gənc Alim və Mütəxəssislər Şurasının sədri, fizika üzrə fəlsəfə doktoru Famin Salmanov tələbələrə “Azərbaycan dövlətinin gənclər siyasəti” mövzusunda mühazirə deyib. “Azərbaycan gəncliyi 2017–2021-ci illərdə” Dövlət Proqramı”nın təsdiq edilməsi haqqında Azərbaycan Respublikası Prezidenti İlham Əliyevin 15 sentyabr 2017-ci il tarixli Sərəncamının mahiyyəti barədə ətraflı məlumat verən F.Salmanov gəncliyin öhdəsinə düşən vəzifələrdən danışıb. Gənc alim kollecin müəllim və tələbə heyətinin iştirak etdiyi tədbirdə ona ünvanlanan sualları cavablandırıb.
Bilik Fondunun "İl boyu bilik" proqramına uyğun olaraq, Bakı Dövlət Sosial-İqtisad Kollecində tədbir keçirilib. Olaylar bildirir ki, AMEA Gənc Alim və Mütəxəssislər Şurasının sədri, fizika üzrə fəlsəfə doktoru Famin Salmanov tələbələrə "Azərbaycan dövlətinin gənclər siyasəti" mövzusunda mühazirə deyib.
"Azərbaycan gəncliyi 2017-2021-ci illərdə" Dövlət Proqramı"nın təsdiq edilməsi haqqında Azərbaycan Respublikası Prezidenti İlham Əliyevin 15 sentyabr 2017-ci il tarixli Sərəncamının mahiyyəti barədə ətraflı məlumat verən F.Salmanov gəncliyin öhdəsinə düşən vəzifələrdən danışıb. Gənc alim kollecin müəllim və tələbə heyətinin iştirak etdiyi tədbirdə ona ünvanlanan sualları cavablandırıb.
Daha bir mühazirə isə Bilik Fondunun "Tibbi maarifləndirmə" proqramı çərçivəsində Azərbaycan Dövlət Pedaqoji Universitetinin nəzdindəki Azərbaycan Dövlət Pedaqoji Kollecində keçirilib. Biləcəri Mərkəzi Dəmiryolu Xəstəxanasının həkimi Nərmin Abdullayeva tələbələrə "Qızların yetkinlik dövründə üzləşdikləri fizioloji problemlər və onların həlli yolları" mövzusunda mühazirə deyib.
Kollecdə təhsil alan qızlara qadın xəstəlikləri və onların müalicəsi, fizioloji problemlərin yeni texnologiyalardan istifadə etməklə aradan qaldırılması yolları haqqında ətraflı məlumat verilib. İnteraktiv formada keçən mühazirənin sonunda N.Abdullayeva gənclərin şəxsi gigiyena və fizioloji problemlərlə bağlı suallarını cavablandırıb.
Bilik Fondu mütəmadi olaraq, bir sıra idarə, müəssisələrdə dövlət siyasətinin prioritet istiqamətləri barədə maarifləndirici tədbirlər, təcrübəli, peşəkar mütəxəssislərin iştirakı ilə görüşlər, sağlam həyat tərzinin təbliği, hüquqi, iqdisadi, mədəni, sosial, ideoloji maarifləndirmə sahəsində mühazirə və təlimlər təşkil edir.
