Nazirlik jurnalistlər üçün media-tur təşkil edib

Kənd Təsərrüfatı Nazirliyi media nümayəndələrini ölkəmizdə baramaçılıq sahəsində görülən işlərlə tanışlıq məqsədilə media nümayəndələrinin Qax-Şəki zonasına səfərini təşkil edib. Nazirlikdən “Olaylar”a verilən məlumata görə, səfər zamanı jurnalistlər Qax Damazlıq İpəkçilik Stansiyasında olacaq, kümçülərlə - baramaçılarla görüşəcək, yeni salınmış tut bağlarına baxış keçirəcəklər. Media-tur iştirakçıları Şəki-İpək ASC-nin fəaliyyəti ilə tanış olmaq, eləcə də kümçülərdən hazır barama məhsulu qəbulu prosesini izləmək imkanı da qazanacaqlar.

Kənd Təsərrüfatı Nazirliyi media nümayəndələrini ölkəmizdə baramaçılıq sahəsində görülən işlərlə tanışlıq məqsədilə media nümayəndələrinin Qax-Şəki zonasına səfərini təşkil edib. Nazirlikdən "Olaylar"a verilən məlumata görə, səfər zamanı jurnalistlər Qax Damazlıq İpəkçilik Stansiyasında olacaq, kümçülərlə - baramaçılarla görüşəcək, yeni salınmış tut bağlarına baxış keçirəcəklər. Media-tur iştirakçıları Şəki-İpək ASC-nin fəaliyyəti ilə tanış olmaq, eləcə də kümçülərdən hazır barama məhsulu qəbulu prosesini izləmək imkanı da qazanacaqlar.

Qeyd edək ki, bu il Kənd Təsərrüfatı Nazirliyi Çin Xalq Respublikasından 6000 qutu yüksək keyfiyyətli barama toxumu tədarük edərək, əvəzsiz olaraq kümçülərə paylayıb. Hazırda barama məhsulunun kümçülərdən qəbulu davam edir və bugünkü tarixədək 75 tondan artıq barama tədarük edilib.