ABŞ-da güclü qasırğa başlayıb

Ermine qasırğası Florida ştatının şimalını cənginə alıb.

Ermine qasırğası Florida ştatının şimalını cənginə alıb.

Report bildirir ki, bu, ştat ərazisində son 11 ildə müşahidə olunan ilk qasırğadır.

Artıq ABŞ-ın üç ştatında - Corciya, Florida və Şimali Karolinada fövqəladə vəziyyət tətbiq edilib. Küləyin sürəti saatda 130 km-ə çatır.

Floridanın paytaxtında, Tallahassi şəhərində artıq təxminən 70 min ev işıqsız qalıb. Meteoroloqlar daşqın riski barədə xəbərdarlıq ediblər.

Xatırladaq ki, Floridada son qasırğa 2005-ci ilin oktyabr ayında müşahidə olunan Uilma qasırğası olub. O zaman beş nəfər həlak olmuşdu. Qasırğanın vurduğu zərərin aradan qaldırılması 23 milyard dollara başa gəlmişdi.

Təklifinizi, şikayətinizi bizə yazın. Sizi dinlərik. 055 634 88 31