Miqrasiya Xidməti elektron hökumət portalına inteqrasiya olundu
Azərbaycan Respublikasında 10 gündən artıq müvəqqəti qalmaq istəyən əcnəbilər və ya vətəndaşlığı olmayan şəxslər 10 gün ərzində olduğu yer üzrə qeydiyyata alınmalıdırlar. Bu prosesi sadələşdirən Dövlət Miqrasiya Xidmətinin təqdim etdiyi “Olduğu yer üzrə qeydiyyata alınması üçün müraciətin və sənədin qəbulu” adlı xidməti portala inteqrasiya edildi.
8 İyul 2016 11:45 SosialAzərbaycan Respublikasında 10 gündən artıq müvəqqəti qalmaq istəyən əcnəbilər və ya vətəndaşlığı olmayan şəxslər 10 gün ərzində olduğu yer üzrə qeydiyyata alınmalıdırlar. Bu prosesi sadələşdirən Dövlət Miqrasiya Xidmətinin təqdim etdiyi "Olduğu yer üzrə qeydiyyata alınması üçün müraciətin və sənədin qəbulu" adlı xidməti portala inteqrasiya edildi. "OLAYLAR"-ın Dövlət Miqrasiya Xidmətinə istinadən verdiyi xəbərə görə, xidmət qeydiyyatsızdır, yəni xidmətdən istifadə etmək üçün portaldan qeydiyyatdan keçmək tələb olunmur. Sadəcə e-gov.az elektron ünvanına daxil olub, elektron xidmətlər içərisindən Dövlət Miqrasiya Xidmətinin təqdim etdiyi elektron xidmətlər siyahısından "Olduğu yer üzrə qeydiyyata alınması üçün müraciətin və sənədin qəbulu" xidmətini seçmək lazımdır. Xidməti seçdikdən sonra olduğu yer üzrə Qeydiyyat pəncərəsində fiziki yaxud hüquqi şəxs kimi qeydiyyatdan keçmək mümkündür. Fiziki şəxs kimi qeydiyyatdan keçmək istəyən vətəndaş açılan səhifədə sənəd məlumatlarını qeyd edir, şəxsiyyət vəsiqəsinin foto surətini yükləyir və barəsində ilkin məlumatları müvafiq xanalara doldurur. Əcnəbinin qeydiyyata alınacağı ünvan məlumatından sonra istifadəçi ekranda görünən təhlükəsizlik simvolunu və rəqəmləri daxil edib təsdiqlə düyməsini sıxmaqla qeydiyyatdan keçmiş olur. Qeydiyyatı tamamlamaq üçün isə vətəndaş elektron poçt ünvanınına daxil olub linki təsdiqləyir və növbəti pəncərədə istədiyi şifrəni daxil edib təsdiqləməklə sistemə giriş əldə edir. Qeyd edək ki, xidmət 3 dildə Azərbaycan, ingilis və rus dilində təqdim edilir. Əcnəbilərin və vətəndaşlığı olmayan şəxslərin olduğu yer üzrə hüquqi şəxslər tərəfindən qeydiyyatı isə fiziki şəxslərin həyata keçirdiyi qaydada aparılır.