“Yaşıl iqtisadiyyatın inkişafında gənclərin rolu və perspektivləri” mövzusunda beynəlxalq konfrans keçiriləcək
28 İyun 2016 15:56 SosialAzərbaycan Respublikası Gənclər və Idman Nazirliyinin dəstəyi, IDEA İctimai Birliyi və "Təbiət Dostları" Gənclər Təşkilatının birgə əməkdaşlığı ilə 29 iyun - 1 iyul tarixlərində Avropa Gənclər Paytaxtı - Gəncə şəhərində "Yaşıl iqtisadiyyatın inkişafında gənclərin rolu və perspektivləri" adlı beynəlxalq elmi-praktiki konfrans keçiriləcək. Gənclər və İdman Nazirliyindən "OLAYLAR"-a bildirilib ki, MDB ölkələrindən 300-dən çox müraciət edən gənclərdən seçilən 40-a yaxın gənc alimlər (ekoloqlar, iqtisadçılar, gənc fəallar) Azərbaycanda bir araya gələrək "yaşıl iqtisadiyyat" mövzusunda fikir mübadiləsi aparacaqlar. Konfransda aşağıdakı mövzulara uyğun olaraq 4 fərqli bölmələrə görə elmi-praktik işlərin təqdimatları və müzakirələri aparılacaq. Konfransın əsas məqsədi - gənc alimlər tərəfindən yaşıl iqtisadiyyat və ümumilikdə davamlı inkişaf mövzusunda bilik və fikir mübadiləsinin aparılması üçün imkan yaratmaqdır. Layihənin davamı olaraq, növbəti illərdə Avropa ölkələri gənclərinin də bu mövzuda bilik-təcrübə mübadiləsini aparmaqla ölkəmizdə bu mövzunun aktuallığına təkan veriləcək. Eyni zamanda, konfransın iştirakçıları üçün Bakı və Gəncə şəhərlərində ekskursiyalar və Göygöl Milli Parkında Ekotur təşkil ediləcək.