Aİ Livanda BMT-nin sülhməramlı missiyasına alternativ müzakirə edir- ÖZƏL

Avropa İttifaqı BMT-nin Livandakı Müvəqqəti Qüvvələrinin (UNIFIL) mandatı bitdikdən sonra yeni sülhməramlı missiyanın başlaması ehtimalını müzakirə edir, lakin bu, mövcud formatdan əhəmiyyətli dərəcədə fərqlənəcək. Olaylar.az xəbər verir ki, bu barədə Euractiv portalı Aİ mənbələrinə istinadən məlumat yayıb. Mənbənin məlumatına görə, Brüssel sülhməramlı missiyadan Livan Silahlı Qüvvələri üçün təlim və dəstək proqramlarına keçməyi düşünür, portalın mənbələri isə Aİ-nin UNIFIL-i birbaşa əvəz etmək niyyətində olmadığını vurğulayır. Aİ xarici işlər naziri Kaya Kallas Aİ-nin Livan ordusuna kömək etməyə hazır olduğunu bildirib. Euractiv-in qeyd etdiyi kimi, Avropa Xarici Fəaliyyət Xidmətindən bir missiya yaxın günlərdə ilkin məsləhətləşmələr üçün Beyruta gələcək. Livandakı BMT missiyasına ən böyük töhfə verən İtaliya bu yeni tənzimləmənin əsas tərəfdarlarından biridir.