Ölkəmiz Avropa və Asiya arasında mühüm körpüyə çevrilib- ÖZƏL

"Azərbaycan son illərdə sürətli sosial-iqtisadi inkişaf yolu keçərək regionun aparıcı dövlətlərindən birinə çevrilmişdir. Ölkədə həyata keçirilən islahatlar, infrastruktur layihələri və beynəlxalq əməkdaşlıq təşəbbüsləri Azərbaycanın qlobal arenada mövqeyini xeyli gücləndirmişdir. Xüsusilə, enerji, nəqliyyat və logistika sahələrində əldə olunan nailiyyətlər ölkənin strateji əhəmiyyətini artırmış, onu Avropa və Asiya arasında mühüm körpüyə çevirmişdir. Bu inkişaf kursu Azərbaycanın beynəlxalq platformalarda daha fəal iştirakını və qlobal məsələlərə təsir imkanlarını genişləndirmişdir". 
"Olaylar" xəbər verir ki, bunu YAP Ağcabədi rayon təşkilatının sədri Rövşən Əhmədov deyib: "2026-cı il 4 may tarixində Azərbaycan Respublikasının Prezidenti İlham Əliyev Avropa Siyasi Birliyinin 8-ci Zirvə toplantısı çərçivəsində videobağlantı formatında çıxış edərək Azərbaycanın regional və qlobal gündəmdə oynadığı rola dair mühüm mesajlar səsləndirmişdir. Bu çıxış həm ölkənin xarici siyasət prioritetlərini, həm də Avropa məkanında əməkdaşlıq perspektivlərini aydın şəkildə nümayiş etdirmişdir.

Dövlətimizin başçısı çıxışında ilk növbədə Avropa ilə Azərbaycan arasında mövcud olan siyasi və iqtisadi əlaqələrin dinamik inkişaf etdiyini vurğulamışdır. O, qeyd etmişdir ki, Azərbaycan etibarlı tərəfdaş kimi enerji təhlükəsizliyinin təmin olunmasında mühüm rol oynayır. Xüsusilə, son illərdə Avropanın enerji təchizatının şaxələndirilməsi məsələsində Azərbaycanın strateji əhəmiyyəti daha da artmışdır. Bu kontekstdə Cənub Qaz Dəhlizi kimi layihələrin Avropa ölkələri üçün dayanıqlı enerji mənbəyi yaratdığı diqqətə çatdırılmışdır".