Bakıda dünya düzəninin arxitekturası cızılır- ÖZƏL

"ABŞ, İsrail və Azərbaycan arasında üçtərəfli strateji müttəfiqlik barədə danışıqlar gedir. İran prezidenti Məsud Pezeşkianın Bakıya səfərindən sonra, yaxın günlərdə  İsrail baş naziri Benyamin Netanyahunun Bakıya səfəri təbii ki, bir-birinə bağlı və həlledici səfərlərdir". "Olaylar" xəbər verir ki, bunu siyasi şərhçi Vüqar Dadaşov deyib: "May ayında Türkiyə prezidenti cənab Ərdoğanın da Bakıya gəlişi   gözlənilir. Azərbaycan prezidenti   İlham Əliyevin Çinə səfərindən sonra Bakıya dövlət başçılarının səfərlərinin ardıcıllığı təsadüfi deyil. Çox güman ki, Bakıda   İranın taleyi də daxil olmaqla regionlal məsələlər, həm də yeni dünya düzəninin arxitekturası müzakirə edilir".