Xll Bakı Qlobal Forumundakı çağırışlar fürsətə çevrilə bilər - Jelka Tsviyanoviç

Xll Bakı Qlobal Forumundakı çağırışlar fürsətə çevrilə bilər.

Olaylar.az xəbər verir ki, bu sözləri Xll Qlobal Bakı Forumunun açılış mərasimində Bosniya və Herseqovinanın Rəyasət Heyətinin sədri Jelka Tsviyanoviç deyib.

O qeyd edib ki, Forumda iştirak edən hər kəs öz hekayəsini bölüşə bilər. "Bu platforma üçün Prezident İlham Əliyevə təşəkkür edirəm", - deyə o əlavə edib.

Qeyd edək ki, XII Qlobal Bakı Forumu 13-15 mart tarixlərində keçirilir. Forum Nizami Gəncəvi Beynəlxalq Mərkəzi tərəfindən "Dünya düzəninin yenidən düşünülməsi: Çağırışların fürsətə çevrilməsi" şüarı altında təşkil olunub.

Tədbir çərçivəsində qlobal geosiyasi dəyişikliklər, çoxtərəfli yanaşma, qlobal səhiyyə böhranı, bərpa və dünyanın regional sabitliyi, COP29 və digər vacib qlobal məsələlər müzakirə olunacaq.

Forum 60-dan çox ölkədən 300-dən artıq dünya liderini bir araya gətirəcək. Onların sırasında 25-dən çox sabiq prezident, 15-dən çox keçmiş baş nazir, BMT və beynəlxalq agentliklərin təxminən 10 rəhbəri, həmçinin 25-dən çox keçmiş nazir və nazir müavini yer alacaq.