Bakı o iki ermənini istəyir, Paşinyan razılaşa bilər – Şarmazanov

"Azərbaycan Ermənistandan Qarabağdakı döyüşlərdə iştirak etmiş keçmiş prezidentlər Robert Köçəryan və Serj Sərkisyanın təhvil verilməsini istəyir. Lakin hazırda bu ikisinin komandaları arasında mübahisə yaşanır".

Globalinfo.az xəbər verir ki, bunu Ermənistanın Respublika Partiyasının üzvü Eduard Şarmazanov deyib.

O, baş nazir Nikol Paşinyanın hakimiyyəti dövründə belə bir şeyin mümkün ola biləcəyini deyib:

"Hələ 2021-ci ildə Paşinyan hökumətinin fəaliyyətini davam etdirəcəyi təqdirdə, Bakının keçmiş prezidentlərin təslim olmasını tələb edəcəyini demişdim. Mövcud hökumətin dövründə bu, çox real görünür. Çünki hazırda Bakıda həbsdə olanlar üçün belə heç bir şey edilmir, hakimiyyət hərəkətsiz qalıb. Paralel olaraq Köçəryan və Sərkisyanın fəaliyyətinin bir-birindən ayrılması, fərdi mübarizə aparmaları məsələsi müzakirə olunur. Belə bir vəziyyətdə hələr deyirlər ki, Nikolu Sərkisyan hakimiyyətə gətirib. Anlamaq lazımdır ki, Paşinyanın dövründə Bakı ilə razılaşma ola və bütün tələblər yerinə yetirilə bilər".