Üçtərəfli Ankara Bəyannaməsi yeni hərbi paktın formalaşmasına gətirib çıxaracaq - ÖZƏL

"Azərbaycan, Türkiyə və Özbəkistan Ankara Bəyannaməsi imzaladı. Bu üç türk ölkəsinin birgə Bəyannaməsi iqtisadi -siyasi əməkdaşlığı ehtiva edir. Hər üç ölkə növbəti mərhələdə üçtərəfli müttəfiqlik bəyannaməsi imzalaya bilər. Həmçinin Türkiyə  Azərbaycan və Mərkəzi Asiya Türk ölkələri ilə birgə hərbi əməkdaşlıq paktı imzalaya bilər. Yeni dünya siyasi nizamında Ankaranın çevik və strateji hədəfləri yeni hərbi pakt qurulmasındadır". "Olaylar" xəbər verir ki, bunu Milli Cəbhə partiyasının başqanın müavini, siyasi ekspert Məhəmməd Əsədullazadə deyib: "Türkiyə, Yaxın Şərq, Cənubi Qafqaz və Mərkəzi Asiya regionunun əsas geosiyasi mövqelərini gücləndirərək əsas təsir zonasını formalaşdırir. Məhz Rusiya və İranın  Azərbaycana təzyiqləri Türkiyə ilə birgə koordinasiyalı şəkildə siyasət aparmasından irəli gəlir. Növbəti mərhələdə Zəngəzur dəhlizinin açılması reallaşacaq. Regional şərtlər və Ankaranın təzyiqləri İrəvanın geri addım atması ilə nəticələnə bilər. Ermənistan Avropa İttifaqının mülki missiyasının regionda mandatını uzatmasina baxmayaraq bölgədə proseslər Ankara-Baki tandeminin formalaşdırdıgı siyasətindən asılı olacaq".