Azərbaycanın zəfərinə özünükü kimi yanaşanlar- ÖZƏL
"Prezident İlham Əliyevin təyyarəsi Pakistanın hava sərhəddini keçəndən yerə enənə qədər qardaş ölkənin qırıcılarının dövrəsində təzim uçuşu etmələri, onu qarşılamağa isə Hərbi Hava Qüvvələrinin Nur Xan bazasına Baş nazir Məhəmməd Şahbaz Şərifin özünün təşrif gətirməsi orada Azərbaycan xalqına və liderinə necə böyük sayğıyla yanaşıldığının sərgilənməsi idi. Bəli, hər kəsin bildiyi reallığın- Pakistanda Azərbaycana dogma gözüylə baxıldığının məhz sərgilənməsindən söhbət gedir ki, fikrimcə, o da elə-belə deyildi. Dilinin adı belə ordu dövləti olduğunu təsdiqləyən Pakistan Minsk qrupunun üç həmsədri qarışıq bir sıra böyük dövlətlərin açıq şəkildə qarşı çıxmalarına rəğmən təkbaşına BMT-nin 4 bəlli qətnamsəini reallaşdırmağı bacarmaqla presedent yaratmış, işğalçı forpost rolu oynayan Ermənistan üzərində zəfər çalmış əzmli xaqlın Müzəffər Ali Baş Komandanını bu cür də qarşılamalıyıdı. Həm də ona görə bu cür qarşılamalıydı ki, Astanada ŞƏT sammiti çərçivəsində keçirilən Azərbaycan-Türkiyə-Pakistan üçtərəfli görüşünün nə anlam daşıdığını bilməyənlərə də çatsın: bizim zəfərimizi hələ də həzm etmək istəməyənlərlə yanaşı ona özünükü kimi yanaşanlar da var. Və Azərbaycanın zəfərinə özünükü kimi yanaşanların mövqeləri, ona qarşı çıxanlarınkından fərqlidir, fərq də sarsılmazlığındadır". "Olaylar" xəbər verir ki, bunu millət vəkili Sahıb Alıyev deyib:
"İki dövlət arasında demək olar ki, bütün sahələri əhatə edən 15 anlaşma, Azərbaycanın Pakistan iqtisadiyyatına ilkin mərhələdə 2 milyard dollar yatırım qoymaq planı, bizim mütəxəssislərin İslamabadın modrenləşməsinə verəcəkləri töhfə əminəm ki, aradakı bağları daha da möhkəmlədəcək. Ancaq mənə elə gəlir ki, Pakistanda ən böyük önəm verilən məsələlərdən biri, bəlkə də birincisi Azərbaycan Prezidenti cənab İlham Əliyevin Cəmmu və Kəşmir probleminə yanaşmada tutduğu mövqedir.
Xatırladaq ki, BMT-nin sözü gedən regionlarla da bağlı hələ də yerinə yetirilməmiş 4 qətnaməsi var. Özü də onlar Azərbaycan topaqlarının işğalına son qoyulmasına çağıran qətnaməlrədən təqribən yarım əsr qabaq, daha dəqiqi, 1948-ci ildə qəbul edilmişdi. Ona görə də böyük dövlətlərin istəməmələri səbəbindən BMT-nin yerinə yetirilməyən qətnaməsini özü təkbaşına reallşarımağı bacarmış bir dövlətin başçısının Cəmmu və Kəşmir məsələsindəki mövqeyi məncə, Pakistan üçün o qurumun Təhlükəsizlik Şurasının daim üzvlərininkindən heç də az önəmli deyil. Üstəlik, orası da var ki, Azərbaycan öz mövqeyində onların əksəriyyətindən fərli olaraq səmimi və qətiyyətlidir".
Alim Hüseynli
Olaylar.az