Sahibə Qafarova Cənubi Afrika Respublikasında rəsmi səfərdədir - FOTO

Xəbər verildiyi kimi, Milli Məclisin sədri Sahibə Qafarova Cənubi Afrika Respublikasında rəsmi səfərdədir. Milli Məclisdən "Olaylar"a bildirilib ki, səfər çərçivəsində Azərbaycan parlamentinin spikeri Cənubi Afrika Respublikasının Prezidenti Siril Ramafosanın xalqa müraciəti mərasimində iştirak edib. CAR parlamentinin hər iki palatasının birgə iclasından əvvəl keçirilən mərasimdə Siril Ramafosa ölkənin və rəhbərlik etdiyi hökumətin hədəfləri, qarşıda duran vəzifələr, xarici siyasi fəaliyyəti və digər prioritetlər barədə danışıb.