Astanada Azərbaycan, Rusiya və Ermənistan XİN başçılarının üçtərəfli görüşü başlayıb

Qazaxıstanın paytaxtı Astanada Azərbaycan, Rusiya və Ermənistan xarici işlər nazirləri Ceyhun Bayramov, Sergey Lavrov və Ararat Mirzoyan arasında üçtərəfli görüşü başlayıb.

Olaylar.az bildirir ki, Rusiyanın XİN başçısı Sergey Lavrov görüşlə bağlı "Ermənistan, Azərbaycan və Rusiya XİN rəhbərlərinin görüşü üçtərəfli sazişlərin icrası barədə danışmaq üçün əlverişli fürsətdir" deyib.

Ermənistanın xarici işlər naziri Ararat Mirzoyan isə söyləyib: "Danışıqlarda Ermənistan-Azərbaycan münasibətlərinin normallaşması və Qarabağ məsələsinin nizamlanması kontekstində həll yollarını tapmaq mümkün olacaq".