Xocalı dəhşətinə gedən YOL.. .Xaqani SƏFƏROĞLU YAZIR

XAQANİ SƏFƏROĞLU

17 dekabr 1991-ci il.

Xocalı icra hakimiyyətinin başçısı Elman Məmmədovun prezident Ayaz Mütəllibova teleqramı:

"-Stepanakert və Əsgəran arasındakı yolu açmaq üçün Xocalıya güclü hücum hazırlanır. Ermənilər bizi məhv etmək üçün hər cür səy göstərəcəklər. Xocalının müdafiəsini təşkil etmək üçün dərhal lazımi tədbirləri görməyinizi xahiş edirəm. Xocalı Azərbaycan üçün strateji baxımdan vacib bir nöqtədir. Təcili yardım gözləyirik."

1991-ci il dekabr.

Xocalı rayon prokuroru Atakişi Atakişiyevin prezident Ayaz Mütəllibova teleqramı:

"-Hər şey bizim üçün sona çatır, demək istədiklərimizi anlayın. Əhali Xocalını tərk etmək istəyir. Müdafiə nazirliyindən bizə heç bir kömək göstərilmədi. Cənab prezident, əhali Xocalını tərk edərsə o zaman Stepanakert - Əsgəran yolu açılacaqdır. Bizə kömək etməyinizi xahiş edirik. Dərhal köməyinizi gözləyirik, sonra çox gec olacaq. Bizə təcili yardım edin"

25 fevral 1992-ci il.

Ali Sovet sədrinin müavini Tamerlan Qarayevin Ağdamdan prezident Ayaz Mütəllibova göndərdiyi şifrəli məlumat:

"-Xocalı və Umudludakı qüvvələr demək olar ki tükənib. Dəstək olmadığından (helikopterlər bir neçə gündür uçmur) erməni qoşunlarına müqavimət zəifdir. Xocalı və Umudlunu mühasirədən xilas olmaq üçün təcili tədbirlər görülməlidir. Bu məqsədlər üçün cavabdeh bir şəxsi Ağdama göndərmək və 24 saat ərzində bu tədbirləri təşkil etməsini tapşırmaq lazımdır. Qərarınızı gözləyirəm "

16 fevral. 1992-ci il.

Xocalıdan Müdafiə Nazirliyinin Baş qərargah rəisi Şahin Musayevə göndərilən məlumat:

"-Xocalı şəhərinin piyadaların döyüş maşınlarından və zirehli personal daşıyıcılarından kütləvi atəşi davam edir. Şəhərdəki vəziyyət kritikdir. Mülki şəxslərin evakuasiyasını həyata keçirmək və xüsusilə də strateji əhəmiyyətli bir obyekt olan hava limanını qorumaq üçün təcili tədbirlər görülməlidir."

14 fevral 1992-ci il.

Milli Təhlükəsizlik Nazirliyinin Prezident Ayaz Mütəllibova Xocalıdakı hərbi qüvvə və silahlarla bağlı məruzəsi:

"-Yerli batalyon - 80 nəfər; Milli ordunun hərbçiləri - 20 nəfər; Hava limanının təhlükəsizliyi ilə məşğul olan yerli polis zabitləri - 80 nəfər; Avtomatik silahlar - 200-250 ədəd; Alazan qurğuları - 2 ədəd; Artilleriya topu (çapı 102 mm) - 1 ədəd (mərmiləri tükənir); Avtomatik bombaatan (AGS-17) - 1 ədəd ; qumbaraatan (Pd-25) - 4 ədəd dörd. Şəhərdə elektrik enerjisi yoxdur, hərbi texnika, qumbaraatanlar və tank əleyhinə bombalar kəskin çatışmır."