"44 günlük müharibə tam fərqli reallıqlar yaradıb"
Azərbaycan xalqı ilk dəfə olaraq ürəyində Xocalı soyqırımında həlak olan vətəndaşlarımızı genosid yaşamış xalq kimi yox, müharibədə qalib gəlmiş və Xocalıda öldürülən 2000 nəfərdən çox insanın qisasını almış qalib və qürurlu xalq kimi yad edəcək
Bu sözləri "Bakı-Xəbər" qəzetinin təsisçisi və baş redaktoru Aydın Quliyev "Olaylar.az"a açıqlamasında deyib.
"Xocalı soyqırımının builki ildönümü əvvəlki 20 ildən artıq keçirilən faciəli ildönümlərindən məzmunca fərqli olacaq. Çünki 44 günlük müharibə tam fərqli reallıqlar yaradıb. Həm ölkə daxilində, həm də beynəlxalq miqyasda Xocalı soyqırımına baxışların əsl mahiyyətini daha asan qavramaq və qəbul etmək nöqteyi nəzərindən geniş perspektivlər açılıb. Əvvəla, onu deyim ki, Azərbaycan xalqı ilk dəfə olaraq ürəyində genosid yaşamış bir xalq kimi yox, müharibədə qalib gəlmiş və Xocalıda öldürülən 2000 nəfərdən çox insanın qisasını almış qalib və qürurlu xalq kimi qeyd edəcək. İlk dəfə olaraq Xocalı facisənin ildönümü Azərbaycanda qalibiyyətli müharibədən sonra qeyd ediləcək. İlk dəfə olaraq Xocalı soyqırımın qurbanlarının ruhu Vətən müharibəsində canını qurban verən, sağlamlığını itirmiş şəhidlərin, qazilərin xatirələri ilə çulğalaşacaq".
Aydın Quliyev Vətən müharibəsi ilə yaranmış yeni reallıqlardan da danışdı.
"Vətən müharibəsi ilə yaranmış yeni realllıqlar Xocalı soyqırımının dünyada tanıdılması istiqamətində də geniş və yeni perspektivlər açır. Çünki Ermənistanın 30 ildən apardığı təbliğatlar və əldə etdiyi nəticələr darmadağın oldu. Bütün dünya Ermənistanın həqiqətən də təcavüzkar bir dövlət olduğunu və Azərbaycanın torpaqlarını işğal edərək 30 il qondarma rejim yaratdığının sübutunu gördü və qəbul etdi. İndi artıq dünya üçün Xocalı soyqırımı Azərbaycan xalqına qarşı genosid aktı olduğunu qəbul etmək heç bir çətinlik törətməyəcək. Nəzərə alsaq ki, 44 günlük müharibəyə qədər Azərbaycan dünyada 20-dən artıq ölkənin parlamenti tərəfindən Xocalının genosid kimi tanınmasına nail olmuşdu".
Baş redaktorun sözlərinə görə, saxta erməni soyqırımını tanıyan ölkələr öz əvvəlki mövqelərindən rəsmi qaydada imtina edəcək.
"Bundan sonra Xocalının genosid kimi tanınma prosesinin böyük bir vüsət alacağını və dünyanın yeni- yeni dövlətlərinin rəsmi qaydada Xocalını genosid aktı kimi qəbul edəcəklərini gözləyirik. Bu prosesə paralel olaraq dünya ölkələrində ermənilərin müxtəlif yollarla rüşvət, siyasi korrupsiya ilə qondarma erməni genosid aktının tanıdılması yolunda atdığı addımları əhəmiyyəti və mənası xeyli dərəcədə zəifləyəcək. Gözlənilən budur ki, dünya miqyasında saxta erməni genosidinin tanıdılması faktlarının artımı birmənalı olaraq dayanacaq. Bundan sonra hansısa bir ölkənin saxta erməni genosidinin tanımasını gözləmək mümkün olan bir şey deyil. İndiyədək müxtəlif təsirlər və maraqlar altında saxta erməni genosidini tanımış ölkərinin əvvəlki mövqelərinə də rəsmi qaydada imtina etməsi də gözləniləndir".
Bir sözlə, bu il Xocalı soyqırımın tam yeni realllıqlar şəraitində xalqımız tərəfindən qeyd edilməsi reallıqdır. Xocalı soyqırımının qurbanlarının xatirəsi ilk dəfə olaraq müharibədə qalib gəlmiş və bölgədə ərazi bütövlüyünün təmin etmiş bir dövlətin qalib vətəndaşları tərəfindən qeyd ediləcək. Xalqımızın sonuncu hüzürü olsun. Azərbaycan xalqı Xocalı qurbanlarının xatirəsini heç vaxt unutmayacaq. Həll olunmuş Qarabağ problemi konteksində yeni uğurlarla Xocalı soyqırımının qurbanlarını xatirəsini və ruhunu həmişə şad edəcəkdir.
Gülər Seymurqızı
Olaylar.az