Spiker: “Ermənistan öz cinayətkar mahiyyətini, terror dövləti olmasını bir daha göstərdi”

Milli Məclisin sədri Sahibə Qafarova facebook səhifəsində Ermənistan silahlı qüvvələrinin Gəncə şəhərini raket hücumuna məruz qoymasına münasibət bildirib. “Olaylar”ın məlumatına görə, MM sədri qeyd edib ki, Ermənistan öz cinayətkar mahiyyətini, terror dövləti olmasını və heç bir insani-humanitar normalara hörmət etmədiyini bir daha göstərdi

Milli Məclisin sədri Sahibə Qafarova facebook səhifəsində Ermənistan silahlı qüvvələrinin Gəncə şəhərini raket hücumuna məruz qoymasına münasibət bildirib. "Olaylar"ın məlumatına görə, MM sədri qeyd edib ki, Ermənistan öz cinayətkar mahiyyətini, terror dövləti olmasını və heç bir insani-humanitar normalara hörmət etmədiyini bir daha göstərdi. Azərbaycan Silahlı Qüvvələri qarşısında aciz və çarəsiz qalan Ermənistanın silahsız və dinc insanlara gecə yuxuda olarkən raketlə hücum etməsi Azərbaycan xalqının şanlı tarixindən gələn qəhrəmanlıq və qorxmaz hissləri qarşısında və dünyanın gözü qarşısında kiçilməsindən başqa bir şey deyildir: "Bu hücum bir daha bütün dünyaya Azərbaycanın haqlı mübarizə apardığını, Ermənistanın müharibəni belə ən dəyərsiz şəkildə apardığını açıq-aydın göstərir. Həmin gecə Gəncədə həyatını itirən həmvətənlərimə Allahdan rəhmət, yaralılara şəfa diləyirəm. Bu hadisələrin fonunda bir şeyə xalq olaraq hər gün daha çox inanırıq ki, qələbə bizimdir və QARABAĞ AZƏRBAYCANDIR!!!"