Nikol Paşinyan babasının nasizm ideologiyasının daşıyıcısıdır

Bu ideologiya erməni ideoloqlarına sələfləri vasitəsilə ötürülür

Ermənistanın baş naziri Nikol Paşinyan mayın 9-da "Feysbuk" sosial şəbəkəsindəki səhifəsində İkinci Dünya müharibəsində iştirak etmiş babasının fotosunu paylaşıb. Ermənistan ictimaiyyətinin nümayəndələri baş nazirin paylaşımına dərhal reaksiya verərək bildiriblər ki, onunla eyni ad-soyadı daşıyan babası 1943-cü ildə Qaregin Njde ləqəbli nasist əlaltısı Qaregin Ter-Arutyunyanın legionunda Hitler Almaniyası tərəfdən vuruşub. Bundan dərhal sonra Ermənistan Müdafiə Nazirliyi açıqlama yayaraq bildirib ki, Enokovan kəndindən müharibədə Nikol Paşinyan ad-soyadlı iki nəfər iştirak edib. Onlardan biri Qızıl Orduda, digəri Vermaxtda qulluq edib. Vermax tərəfində döyüşən Nikol Paşinyan baş nazirin babası deyil.

Xatırladaq ki, hələ 2019-cu il oktyabrın 11-də Türkmənistanın paytaxtı Aşqabad şəhərində MDB Dövlət Başçıları Şurasının iclasında çıxış edən Azərbaycan Prezidenti İlham Əliyev işğalçı Ermənistanın faşist ideologiyasını dövlət siyasətinə çevirdiyini diqqətə çatdıraraq, bir daha dünyaya bəyan etmişdi: "Təəssüf ki, MDB məkanında, xüsusən Ermənistanda belə hallar baş verir. Orada əvvəlki hakimiyyət Yerevanın mərkəzində faşist cəlladı və satqın, Qaregin Njde ləqəbi ilə alman faşistlərinə xidmət etmiş Qaregin Ter-Arutyunyana heykəl qoyub. MDB ölkələrindən olan müharibə veteranlarının böyük bir qrupu Ermənistanın əvvəlki rəhbərliyinin bu həyasız addımına qarşı dəfələrlə etirazını bildirib".

Artıq bütün dünya Erməistanın faşist ideologiyasına sitayiş etdiyinin fərqindədir. Sözün həqiqi mənasında nasizm, terrorizm erməni düşüncəsində nasizm, terrorizm  suç deyil, məqsədə çatmaq üçün bir vasitədir. Erməni siyasi təşkilatlarının proqramlarında terror əsas mübarizə üsulu olaraq keçməsi fikrimizi bir daha təsdiqləmiş olur. Bu baxımdan nəvə Paşinyanın baba Paşinyanın nasizm ideologiyasını daşıması təsadüfi deyil. Tarixi faktlar deməyə əsas verir ki, ermənilər   hələ Birinci Dünya Müharibəsi illərində yaratdıqları terror təşkilatlarının  suçsuz insanlara yaşatdıqları ölüm və tökdükləri  qanlara  normal həyat hadisəsi kimi baxıblar. Professor Qafar Çaxmaqlının "Erməni faşizmi" kitabında qeyd olunur ki, "Erməni fədailiyi də terrorizmdən fərqli deyildir. O da milli bir inancdır, bilgi yerinə inancı önəmli sayan, onun yerinə qoyulan düşüncələrin ümumi adıdır. Fədailər erməni xalqının mübarizəsində ölməyə and içərək ən ağır döyüşlərə sorğu-sualsız gedən könüllülərdən ibarər terrorçulardı. Qisasçılıq zəminində yaradılan "Nemezis" təşkilatının adam öldürmə hərəkəti adi həyat hadisəsidir."Nemezis" kəlməsi yunancadır, İntiqam ilahəsi Nemezidanın adından götürülmuşdür. Bu, Daşnaksütyun Partiyasının qərar verdiyi və həyata keçirdiyi terror hərəkətidir. Terrorçubaşı Şahan Natalinin təşəbbüsü ilə 1919-cu ilin oktyabrında yaradılmışdır".

Məlumat üçün qeyd edək ki, digər bir ideoloji təlim-Tsexakronizm də eyni şeyləri hədəflərləyir. Tsexakron-ermənicə iki sözün (irq) ve (din) kəlmələrinin birləşməsidir. Qaregin Njde (Qaregin Ter- Harutyunyan) tərəfindən ortaya atılmışdır. Ermənistan Respublikasının sabiq dövlət başçısı Serj Sarkisyanın rəhbəri olduğu Ermənistan Respublikaçılar partiyası Njdeni özlərinin lideri, ideoloji öndəri sayır. Tsexakron əslində erməni faşızmıdir. Nasyonal Sosialist təlimdir və dünya ermənilərinin də türklərə və Türkiyəyə qarşı davranışlarının təməlində Garegin Njdenin düşüncələri yer alır. Erməni ideoloji cərəyanlarının içərisində mühüm yerə sahib millətçi təzahürlərin başında heç şübhəsiz Andranikizm dayanır. ASALA və ona bənzər onlarca erməni terror təşkilarının mayasında dediyimiz bu ideolojilərin qarışıq təzahürləri mövcuddur və bu gün də onu davam etdirirlər.Və erməni ideoloqlar erməniçiliyin, ermənizmin bütün dünyada varolma ünsürü kimi son zamanlar Tsexakronizmlə yanaşı Andranikizmi də ortaya atırlar. Bu da faşist bir təlimdir. Andranik bu gün bütün Ermənilərin qəhrəmanı hesab edilir. Andranikə bənzəməyə çalışan müasir andranikistlər ondan qəddarlığı, adam qanı ilə qidalanmağı yaxşı öyrənmişlər. Andranikin bir zamanlar tətbiq etdiyi vəhşiliklər 1990-larda Qarabağda da təkrarlandı. Xocalıda baş verənlər Şərqi Anadoluda, Qafqazda, Cənubi Azərbaycanda törədilənlərin təkrarı və

davamı idi. Sadəcə icraçılar fərqli insanlar idi. Bir də tarix dəyişmişdi. "1992-ci ilin 14 fevralın 26-da Xocalını Andranikin ad gününə hədiyyə etdik" deyənlər həmin faşist erməni nəslinin nümayəndələridir. Göründüyü kimi, təməli "armenizm"lə qoyulan erməni təlimlərindən bəşəriyyət üçün çox təhlükəli olan mxitarizm, andranikizm, tsexakronizm, erməni fədaizmi və nəhayət erməni cəmiyyəti üçün bu gün də xarakterik olan erməni faşizmi və digər ideoloji təlimlər törəyib.

Ermənistanın baş naziri Paşinyanın babası Paşinyanın satqın olaraq faşizm ideologiyasına xidmət etməsinə gəlincə qeyd edilməlidir ki, faşizm Hitlerin əsas ideoloji silahına çevrilmişdi və elə həmin illərdən ermənilər də faşizmi mənimsəməyə başlayıblar. Avropada özlərinə  nicat axtaran bir çox müharibə suçluları, Daşnak Partiyasının tör-toküntüləri almanlardan bu ideyanı mənimsəyiblər. Qarabağ və Zəngəzur canisi Garegin Njde alman faşizminə bənzər bir təlim ortaya atıb- Tsexakronizm. Bunun alman faşist "yeni nizam" anlayışına nə qədər bənzəri olduğunu araşdırmağa ehtiyac duyulmur. Mütəxəssislərin qənaətinə görə, erməni faşizmi italyan faşizminə deyil, alman faşizminə yaxındır. Əsas hədəfə çatmaq üçün ermənilər almanlara özlərini sırımağa çalışırdılar. Eyni irqdən olduqlarını isbatlayan dəlillər axtarmaları da uzun sürmədi. Hitlerin "irq dövləti" anlayışı Ermənistanda da eyni anlama gəldi. Bu gün Ermənistanda bir nəfər də olsun başqa qövmdən olan millət yoxdur. Faşizm odur ki, içindən bütün sevmədiklərinin ya fiziki məhvinə nail olur, ya da onları köləyə çevirir. Odur ki, fşist "Yeni nizam" anlayışı ilə Njdenin "Tsexakron" təlimi arasında heç bir fərq yoxdur. Müasir dövrün qatı erməni faşisti Zori Balayan Qarabağda keçirilən bir toyda qeyd etmişdi ki,  "...Allah Qarabağı qoruyacaqdır, çünki Allahın özü də erməni və qarabağlıdır". Sadlanan faktlar deməyə əsas verir ki, faşizm ideologiyasının bu gün də yaşadılması ermənilərin milli xislətindən irəli gəlir. Belə halda qətiyyətlə demək olar ki, Nikol Paşinyanın Qaregin Njdenin heykəli timsalında faşizm ideologiyasına sitayiş etməsi babası və sələflərindən keçən irsi əlamətdir.  

Nurlan