Ermənistanda hakimiyyət dəyişdi
31 İyul 2016 07:05 Siyasət"Yəni ölkədə hakimiyyət olması, əmrlərin yerinə yetirilməsi üçün cəmiyyət iqtidara inanmalıdır. İndi bu inam yoxdur. Ermənistan prezidenti Serj Sarkisyan legitimliyini itirib. Zatən, onun belə legitimliyi də yoxdu. İndi o nə xarici siyasəti, nə daxili siyasəti müəyyənləşdirə bilmir", - politoloq S.Zolyan söyləyib.

S.Zolyanın fikrincə, ölkədə hakimiyyətin dəyişdiyinə etiraz aksiyalarına çıxanların şüarları da dəlalət edir: "Onlar "Pavlik!", "Jirayr!" deyirlər. Yəni inandıqları adamların adlarını çəkirlər. Bu gün Ermənistanda siyasi gündəmi Serj Sarkisyan yox, Jirayr Sefilyan müəyyənləşdirir. Bu gün o erməni cəmiyyəti üçün qəhrəmandır. Bu, faktdır və cəmiyyətlə hakimiyyət arasındakı uçurumu göstərir".
Politoloqun fikrincə, ölkədəki siyasi partiyalar vəziyyətdən sui-istifadə etməyə can atmaq əvəzinə böhrandan çıxış yolunu aramalıdır.
Onun fikrincə, problemi həlli Serj Sarkisyanın mövqeyində yox, cəmiyyətin konkret qərarlar qəbul etməsindədir.