Müsavatın bu qərarı həm imza verənlərə, həm də partiyanın öz üzvlərinə hörmətsizlikdir

"Müsavat Partiyasının seçkilərdən imtina etməsindən nə qazanacağını özlərindən başqa heç kim bilmir. Bu çox yanlış bir qərardır". Bu fikirləri "OLAYLAR"-a "Ağ Blok"un üzvü Emin Məmmədli səsləndirib. Bildirib ki,  Müsavatın son anda seçkilərdən geri çəkilməsi həm imza verənlərə, həm də partiyanın öz üzvülərinə hörmətsizlikdir: "Çünki namizədlər həm maddi, həm də mənəvi xərc çəkiblər. Təbii ki, namizəd olub-olmamağımızdan asılı olmayaraq əziyyətimiz təmənnasızdır. Amma məsələ burasındadır ki, heç olmasa imza toplama zamanı geri çəkiləydilər  və bu qədər də çətinlik yaranmazdı. Məncə seçkiyə 2 gün qalmış belə bir qərarın verilməsi mənasızdır". Emin Məmmədlinin sözlərinə görə, boykot o vaxt effektli olur ki, nəticəni dəyişir: "Amma 1998, 2008 və 2009 seçkiləri onu göstərir ki, müxalifət hələ bu gücdə deyil".

Təklifinizi, şikayətinizi bizə yazın. Sizi dinlərik. 050 333 88 00