Həbsxanalarda və hərbi hissələrdə səs vermək üçün lazımi şərait yaradılıb
30 Oktyabr 2015 11:42 SiyasətAzərbaycanda Milli Məclisə noyabrın 1-ə təyin edilmiş seçkilərdə həbsxanalarda və hərbi hissələrdə səs vermək üçün lazımi şərait yaradılıb. Seçki-2015.az saytının xəbərinə görə, bunu Trend-ə açıqlamasında İnsan Hüquqları üzrə Müvəkkil Elmira Süleymanova deyib.
E.Süleymanova bildirib ki, Ombudsman Aparatının əməkdaşları seçkilərlə bağlı penitensiar sistemdə və hərbi hissələrdə monitorinqlər keçirib: "Penitensiar sistemdə və hərbi hissələrdə seçki məntəqələri tam standartlara uyğun şəkildə yaradılıb. Biz məhkumlarla təkbətək görüşərək onlara hüquqlarını başa salırıq ki, seçkilərdə necə iştirak etsinlər, seçdikləri namizədə səs versinlər və onlara heç bir təsir göstərilməsin".
Təklifinizi, şikayətinizi bizə yazın. Sizi dinlərik. 050 333 88 00