Azərbaycandakı seçki prosesi Rusiya mətbuatında
27 Oktyabr 2015 10:18 Siyasət"Seçkilər" Media Mərkəzi- Azərbaycanda noyabrın 1-də keçiriləcək parlament seçkiləri bir çox ölkələrin mediası tərəfindən diqqətlə izlənilir. Secki-2015.az saytı xəbər verir ki, ölkəmizdə keçiriləcək siyasi proses Rusiyanın tanınmış TASS və "Ria Novosti", "Rosbalt" agentlikləri, "Arqumenti fakt", "Novaya vremya" nəşrləri, o cümlədən, "Lenta.ru" və "Vestnik kavkaza" kimi xəbər portallarında işıqlandırılır və seçkilərlə bağlı məlumatlar yayılır.
Məlumatlarda noyabrın 1-də keçiriləcək parlament seçkilərinə 500-ə yaxın beynəlxalq müşahidəçinin gələcəyi, təbliğat-təşviqat kampaniyasının şəffaf şəkildə davam etdiyi, seçkilərə hazırlığın yüksək səviyyədə aparıldığı qeyd olunur.
Rusiya KİV-lərində, ATƏT-in Demokratik Təsisatlar və İnsan Haqları Bürosunun seçkiləri müşahidə etməkdən imtina etməsi məsələsi də sərt şəkildə tənqid edilir, bu hal Azərbaycana qarşı qərəz kimi qiymətləndirilir.