BMT-nin rezident-әlaqәlәndiricisi: “Azәrbaycan dünyada bir sıra problemlәrin hәllinә dәstәk verir”
23 Oktyabr 2015 17:34 Siyasət"BMT-nin Bakı ofisinin ilkin mandatı Dağlıq Qarabağ münaqişəsi ilə bağlı humanitar böhranın aradan qaldırılması vә qaçqınların problemlәrinin hәlli olub. Lakin Azәrbaycanda vәziyyәt dәyişdiyindən BMT burada mandatını dәyişib". APA-nın məlumatına görə, bunu BMT-nin Bakı ofisinin rezident-әlaqәlәndiricisi Antonius Bruk "Azәrbaycan-dayanıqlı inkişaf mәqsәdlәri" adlı tәdbirdә çıxışı zamanı deyib. Onun sözlәrinә görә, hazırda BMT Bakı ofisi daha çox iqtisadi layihәlәrә, yaşayış standartlarına diqqәt yetirir. "Azәrbaycan dünyada bir sıra problemlәrin hәllinә dәstәk verir. Azәrbaycanın 2011-ci ildә BMT Təhlükəsizlik Şurasına qeyri-daimi üzv seçilmәsi ölkәnin xarici siyasәtindә mühüm hadisә idi. Bu, Azәrbaycanın imkanlarını genişlәndirdi, beynәlxalq tәhlükәsizlik vә sülhә öz töhfәsini verdi. Azәrbaycan beynәlxalq problemlәrin hәllinә dәstәk verdi", - deyə o vurğulayıb.