Düşmən hücuma keçdi - Müdafiə Nazirliyindən RƏSMİ AÇIQLAMA

Kəlbəcər istiqamətində mövqelərimiz atəşə tutulub.

Bu barədə Olaylar.az-a Müdafiə Nazirliyindən məlumat verilib.

İyulun 11-i axşam saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Zərkənd yaşayış məntəqəsi istiqamətində yerləşən mövqelərindən Kəlbəcər rayonunun Dəmirçidam yaşayış məntəqəsi istiqamətində yerləşən Ordumuzun mövqelərini müxtəlif çaplı atıcı silahlardan atəşə tutub.

Azərbaycan Ordusunun bölmələri tərəfindən görülən adekvat cavab tədbirləri nəticəsində qarşı tərəf susdurulub.