Mədəniyyət
Yoxa çıxan müğənninin ailəsi xəyanətə görə dağılıb – VİDEO
Xeyli zamandır efirlərdən uzaq düşən azərbaycanlı müğənni Zahidə Günəş şəxsi həyatı barəsində gəzən söz-söhbətlərdən narahatdır. Olaylar.az-ın məlumatına görə, “APA TV”-nin “Show time” verilişinə qonaq olan ifaçı bildirib ki, zaman-zaman mətbuatda barəsində əsassız məlumatlar dərc olunub: “Yazmışdılar ki, oğlumun atası yoxdur. Niyə yoxdur? Var. İndi açıqlayıram, bəli, ayrılmışıq, amma övladım atasının soyadını daşıyır. Yoldaşımdan icazəsiz övladımı Azərbaycandan kənara çıxarmıram. Oğlum elə ana qayğısı görür ki, heç atasına ehtiyac yoxdur. Məsələn mən gözümü açıb, atamı görmüşəm. Onun tərbiyəsi ilə böyümüşəm. İstəmirəm bu barədə çox danışım. Oğlum sonra izləyəcək, pis olacaq”.
Gənc aktrisayla sevgili olduğu deyilən rejissordan
Rejissor Samir Kərimoğlu aktrisa Mələk Kazımovanın onun barəsində səsləndirdiyi fikirlərə münasibət bildirib.
"Rejissorun həyat yoldaşı aramızdakı münasibəti bilib çəkiliş meydançasına gəldi və..."
Bildirilir ki, ekran işinin büdcəsi 210 min manat olsa da, sonda bu məbləğin 60 mini xərclənib. Hətta o qədər "qənaət edilib" ki, filmdəki Məsmə roluna "Mahmud baba"nın qrim ustasını çəkiblər. Digər bir məqam isə rejissor Samir Kərimoğluyla gənc aktrisa Mələk Kazımova haqqında dolaşan şayiələrdir. İddialara görə, rejissorla aktrisanın sevgi macərasından xəbər tutan rejissorun həyat yoldaşı çəkiliş meydançasına gəlib. Hətta xanımı rejissora özünün də filmə çəkiləcəyi barədə şərt qoyub. Məhz bundan sonra Mələk Kazımovanın çəkildiyi bir neçə səhnə "kəsilib", əvəzində ssenari dəyişdirilib və Kərimoğlunun həyat yoldaşı ekran işində rol alıb. Doğrudanmı, 42 yaşlı rejissorla 20 yaşlı aktrisa çəkiliş prosesində eşq macərası yaşayıblar? Həqiqətənmi indiyədək qonorarını almayan aktyorlar var?
Həsən Əbluc anılacaq
Aprelin 21-də Mədəniyyət və Turizm Baş İdarəsinin təşkilatçılığı ilə Azərbaycan aktyoru və rejissoru, bədii qiraət ustası, pedaqoq Həsən Əblucun 75 illik yubileyinə həsr olunmuş tədbir keçiriləcək. Baş İdarədən “Olaylar” – a bildirilib ki, tədbirdə iştirak edəcək mədəniyyət və incəsənət xadimləri aktyorun həyat və yaradıcılığından söhbət açacaqlar. Həsən Əbluc müxtəlif dövrlərdə bir çox teatr və televiziya tamaşalarının quruluşçu rejissoru kimi də böyük uğur qazanıb.
Daşkənddə azərbaycanlı şair İxtiyar Rzanın xatirə lövhəsinin açılışı olub
Daşkənddə yazıb-yaratmış mərhum azərbaycanlı şair, Özbəkistan Yazıçılar İttifaqının üzvü İxtiyar Rzanın yaşadığı binada xatirə lövhəsinin açılışı olub. Xatirə lövhəsi Azərbaycanın Özbəkistandakı səfirliyinin nəzdindəki Heydər Əliyev adına Azərbaycan Mədəniyyət Mərkəzinin (AMM) layihəsi əsasında hazırlanıb.
.jpg)
Qazaxıstanlı tələbələrin elmi-təcrübi dərsləri davam edir
Mədəniyyət və İncəsənət Universiteti ilə T.K.Jurqenov adına Qazaxıstan Milli İncəsənət Akademiyası arasında imzalanan əməkdaşlıq müqaviləsinə əsasən akademiyada Musiqi sənəti ixtisası üzrə təhsil alan I kurs magistr tələbələrinin elmi-təcrübi dərsləri davam edir.
“Azərbaycan və dünya operasında Şövkət Məmmədova fenomeni”
Aprelin 18-də Azərbaycan Teatr Xadimləri İttifaqında SSRİ Xalq Artisti Şövkət Məmmədovanın 120 illiyinə həsr olunmuş elmi-praktik konfrans keçirilib. İttifaqdan “Olaylar” – a bildirilib ki, tədbir Mədəniyyət və Turizm Nazirliyi, Azərbaycan Teatr Xadimləri İttifaqı və Azərbaycan Dövlət Mədəniyyət və İncəsənət Universitetinin birgə təşkilatçılığı ilə baş tutub.
“Pəltək Cücə” tamaşanın premyerası olub
Mədəniyyət və Turizm Baş İdarəsinin Bakı Uşaq Teatrında yeni tamaşanın premyerası olub. Teatrdan “Olaylar” – a bildirilib ki, türk nağılı əsasında İlhamə Əhmədovanın quruluşunda “Pəltək Cücə” tamaşası öz balaca tamaşaçıları tərəfindən maraqla qarşılanıb. Tamaşada hadisələr Xoruzla Toyuğun ailəsində baş verir. Ailədə olan 7 cücədən birinin dilində qüsur var, “cik-cik” yerinə “tık-tık” deyir. Bacı-qardaşları ona gülürlər.
“Hüseyn Cavid yaradıcılığı tələbələrin ifasında”
AMEA Hüseyn Cavidin Ev Muzeyi Elmlə təhsilin inteqrasiyası prosesi çərçivəsində tədbir keçirib. Universitetdən “Olaylar” – a bildirilib ki, romantizm ədəbiyyatının görkəmli nümayəndəsi, böyük dramaturqun irsinin təbliği istiqamətində tədbirə Mədəniyyət və İncəsənət Universitetinin tələbələri də dəvət olunub.