Mədəniyyət
Qazaxıstanlı tələbələrin elmi-təcrübi dərsləri davam edir
Mədəniyyət və İncəsənət Universiteti ilə T.K.Jurqenov adına Qazaxıstan Milli İncəsənət Akademiyası arasında imzalanan əməkdaşlıq müqaviləsinə əsasən akademiyada Musiqi sənəti ixtisası üzrə təhsil alan I kurs magistr tələbələrinin elmi-təcrübi dərsləri davam edir.
“Azərbaycan və dünya operasında Şövkət Məmmədova fenomeni”
Aprelin 18-də Azərbaycan Teatr Xadimləri İttifaqında SSRİ Xalq Artisti Şövkət Məmmədovanın 120 illiyinə həsr olunmuş elmi-praktik konfrans keçirilib. İttifaqdan “Olaylar” – a bildirilib ki, tədbir Mədəniyyət və Turizm Nazirliyi, Azərbaycan Teatr Xadimləri İttifaqı və Azərbaycan Dövlət Mədəniyyət və İncəsənət Universitetinin birgə təşkilatçılığı ilə baş tutub.
“Pəltək Cücə” tamaşanın premyerası olub
Mədəniyyət və Turizm Baş İdarəsinin Bakı Uşaq Teatrında yeni tamaşanın premyerası olub. Teatrdan “Olaylar” – a bildirilib ki, türk nağılı əsasında İlhamə Əhmədovanın quruluşunda “Pəltək Cücə” tamaşası öz balaca tamaşaçıları tərəfindən maraqla qarşılanıb. Tamaşada hadisələr Xoruzla Toyuğun ailəsində baş verir. Ailədə olan 7 cücədən birinin dilində qüsur var, “cik-cik” yerinə “tık-tık” deyir. Bacı-qardaşları ona gülürlər.
“Hüseyn Cavid yaradıcılığı tələbələrin ifasında”
AMEA Hüseyn Cavidin Ev Muzeyi Elmlə təhsilin inteqrasiyası prosesi çərçivəsində tədbir keçirib. Universitetdən “Olaylar” – a bildirilib ki, romantizm ədəbiyyatının görkəmli nümayəndəsi, böyük dramaturqun irsinin təbliği istiqamətində tədbirə Mədəniyyət və İncəsənət Universitetinin tələbələri də dəvət olunub.
Musiqili Teatr IV İslam Həmrəyliyi Oyunlarına hazırdır
Musiqili Teatrı may ayında Azərbaycanda keçiriləcək IV İslam Həmrəyliyi Oyunları ilə bağlı hazırlıqlarını başa çatdırıb. Qurumun Mətbuat katibi Samir Sədaqətoğlu “Olaylar” – a bildirib ki, Dövlət Musiqili Teatrı İslamiada ilə əlaqədar xüsusi tədbirlər planı hazırlayıb. Teatrın direktoru, Əməkdar incəsənət xadimi, dosent Əliqismət Lalayev Bakı-2017 IV İslam Həmrəyliyi Oyunları ilə əlaqədar danışarkən Musiqili Teatrın gələn ay xüsusi repertuar əsasında fəaliyyət göstərəcəyini söyləyib. “May ayında teatrımızda 26 tamaşanın nümayiş edilməsi nəzərdə tutulur. Mayın 5-dən 30-na kimi demək olar ki, hər gün 2 tamaşa tamaşaçılara – qonaqlara, turistlərə, yarış iştirakçılarına təqdim olunacaq. Nümayişini planlaşdırdığımız səhnə əsərlərinin siyahısına klassik, müasir və uşaq tamaşaları daxildir. - deyə Əliqismət Lalayev bildirib.
“Dərs” “Uşaqlar üçün kino” Beynəlxalq Film Festivalında
Rafiq Əliyev və Cavid Təvəkkülün “Dərs” filmi Rusiyanın 22-ci “Uşaqlar üçün kino” Beynəlxalq Film Festivalının müsabiqə proqramına dəvət alıb. Kinostudiyadan “Olaylar” – a bildirilib ki, 17-21 aprel tarixlərində Samarada keçirilən festivalda filmin quruluşçu rejissoru Rafiq Əliyev iştirak edir.
“İçərişəhər” və “Qala” qoruqlarında “açıq qapı”
18 aprel - Beynəlxalq abidələr və tarixi yerlər günü münasibətilə “İçərişəhər” Dövlət Tarix-Memarlıq Qoruğu İdarəsi tabeliyində fəaliyyət göstərən bütün muzeylərdə “açıq qapı” günü elan edir. İdarənin mətbuat xidmətindən bildirilib ki, aprelin 18-də Bakı sakinləri və şəhərimizin qonaqları İçərişəhərdə yerləşən Qız qalası, Şirvanşahlar Sarayı Kompleksi, Sıratağlı Dini-Memarlıq Kompleksi, Numizmatika ekspozisiyası, Tahir Salahovun ev-muzeyi, Bəylər məscidi “Müqəddəs əmanətlər” ekspozisiyası, habelə “Qala” qoruğu ərazisində fəaliyyət göstərən Qala Arxeoloji-Etnoqrafik Muzey Kompleksi, Əntiq Əşyalar Muzeyi ekspozisiyaları ilə ödənişsiz tanış olmaq imkanını əldə edəcəklər. Muzeylər saat 10:00-dan 19:00-dək fəaliyyət göstərəcək.
“İkinci Pərdə”- ə çəkilir
"İkinci Pərdə" adlanan tammetrajlı filmin çəkilişlərinə start verilib. Filmin quruluşçu rejissoru daha əvvəl “Pərdə” filmi ilə diqqət mərkəzində olan Emil Quliyevdir. “İkinci Pərdə”nin ssenari müəllifi Emil Quliyev və Pərviz Həsənov, operator Dimitri Suvorov, quruluş və geyim üzrə rəssam Şahin Həsənli, cast director Zaur Şəfiyevdi. Filmin prodüser isə Orxan Mərdandır.
.jpg)
Milli Mədəniyyət günü
Mədəniyyət və Turizm Baş İdarəsinin İ.Əbilov adına Mədəniyyət Mərkəzində Milli Mədəniyyət gününə həsr olunmuş tədbir keçirilib. Baş İdarədən “Olaylar” – a bildirilib ki, “Qədim musiqi alətlərinin bərpası və təkmilləşdirilməsi” elmi laboratoriyasının müdiri sənətşünaslıq üzrə fəlsəfə doktoru, Ü.Hacıbəyli adına Bakı Musiqi Akademiyasının professoru Maya Qafarova, həmin akademiyanın əməkdaşı, milli musiqi alətlərinin bərpaçısı, usta Musa Yaqubov, Azərbaycan Milli Konservatoriyasının müəllimi Mərkəz Əliyev, Azərbaycan Milli Konservatoriyasının müəllimi, professor Abbasqulu Nəcəfzadə qədim musiqi alətləri olan yaylı qopuz, ərğənun, qoşaqol kamança, çanaq kamança, ay-ulduz kamança və bir neçə qədim musiqi alətləri haqqında çıxış edərək, gələn qonaqları qədim musiqi alətlərimiz ilə yaxından tanış ediblər.
Fikrət Əliyev anılacaq
Aprelin 19 – da Dövlət Film Fondunda filmoqrafiyasında 30-a yaxın filmləri olan kinorejissor Fikrət Əliyevin xatirə gecəsi keçirilirəcək. Fonddan “Olaylar” – a bildirilib ki, kinorejissor filmərində həmişə, müasrlərinin həyatıdan, onların cəmiyyətdəki rolundan, ətraf mühitə olan münasibətindən bəhs edib. Fikrət Əliyevin rejissor kimi debüt işi “Ömrün səhifələri” kinoalamanaxına daxil olan “Baladadaşın məhəbbəti” novellasıdır. Böyük kinoda ilk müstəqil işi isə yazıçı İbrahim bəy Musabəyovun "Neft və Milyonlar Səltənətində" povestinin motivləri əsasında çəkdiyi “Qızıl uçurum” filmidir. Film povestin ikinci ekran variantıdır.