Mədəniyyət
Uşaq musiqi və incəsənət məktəbləri Bakı Şopping Festivalında
Bakı Şopping Festivalı çərçivəsində Mədəniyyət və Turizm Baş İdarəsinin tabeliyində olan uşaq musiqi və incəsənət məktəblərinin nağaraçalanlar, “Köhnə Bakı”, “Aysel”, “Səma” rəqs ansamblları eləcə də Bakı Uşaq Teatrı tərəfindən nümayiş olunan bir-birindən gözəl, əyləncəli proqramlar turist və şəhər sakinləri tərəfindən maraqla qarşılanıb.
Elnarə “Azərinlə tək ürək” – də
Ötən gün müğənni Elnarə Xəlilova əməkdar artist Azərinin TRT Avaz telekanalında efirə gedən “Azərinlə tək ürək” proqramında qonaq olub. “Olaylar” – ın məlumatına görə, azərbaycanlı müğənni ilə yanaşı türkiyəli səs sənətçisi Adile Kurt Karatepe də proqramda iştirak edib. TRT Avazın Azərbaycan siması olan Elnarə Xəlilova proqramda yaradıcılığından bəhs edərək, sevilən mahnılarını ifa edib.
Heydər Əliyevin anadan olmasının 94 illiyinə həsr olunmuş tədbir
Mayın 10 - da Azərbaycan Musiqi Mədəniyyəti Dövlət Muzeyində Mədəniyyət və İncəsənət Universitetinin birgə təşkilatcılığı ilə Ümummilli lider Heydər Əliyevin anadan olmasının 94 illiyinə həsr olunmuş Mədəniyyət və İncəsənət Universitetinin Musiqi sənəti fakültəsi İnstrumental ifaçılıq kafedrasının bakalavr və magistr pilləsində təhsil alan tələbələrin I elmi ifaçılıq konfransının sonuncu konserti olub.
“İntizar” təqdim olunacaq
Mayın 24-də Opera və Balet Teatrında Bəstəkarlar İttifaqının sədri, Xalq artisti, professor Firəngiz Əlizadənin "İntizar" operasının tamaşası keçiriləcək. Teatrdan "Olaylar" - a bildirlib ki, tamaşa bəstəkarın yubileyinə həsr olunub. Operanın libretto müəllifi filologiya elmləri doktoru, professor Nərgiz xanım Paşayevadır. Tamaşa Xeyir və Şər qüvvələrin mübarizəsi, günahsız insanların ölümü, yaxın qonşuların xəyanətindən bəhs edir.
Operada "Qafqaza səyahət" və "Ümid valsı"
Mayın 21-də Opera və Balet Teatrında görkəmli bəstəkar, Xalq artisti mərhum Aqşın Əlizadənin 80 illik yubileyi münasibətilə onun xatirəsinə həsr olunmuş balet axşamı keçiriləcək. Teatrdan "Olaylar" - a bildirlib ki, balet axşamının proqramına A.Əlizadənin iki birpərdəli baletinin tamaşası - "Qafqaza səyahət" və "Ümid valsı" daxil edilib.
“Onu hansı alçaq deyir? Qələt edir!" - Canəli Əkbərov açdı ağzını, yumdu gözünü...
Xalq artisti Canəli Əkbərovun səhhətinin pisləşməsi haqda xəbərlər yayılıb. Muğam ustası haqqında çıxan xəbərləri yalanlayaraq, belə xəbərlərin onu əsəbləşdirdiyini bildirib: “Onu hansı alçaq deyir?! Onu kim deyirsə, başından böyük qələt edir! Mənim heç yerim xəstə deyil.
Heydər Əliyev Gənc Tamaşaçılar Teatrında anıldı
Gənc Tamaşaçılar Teatrında müstəqil Azərbaycanın qurucusu, ümummilli lider Heydər Əliyevin anadan olmasının 94-cü ildönümü qeyd olunub.Teatrdan “Olaylar” – a bildirlib ki, teatrın direktoru, əməkdar İncəsənət Xadimi Mübariz Həmidov çıxış edərək Azərbaycanın hərtərəfli inkişafında əvəzsiz xidmətləri olan, dünya arenasında ölkəmizin tanınması istiqamətində mühüm işlər görən dahi şəxsiyyət və siyasi xadim Heydər Əliyev haqqında danışıb. Çıxışdan sonra teatrda yeni bir tamaşanın məşqlərinə start verilib. Conatan Sviftin “Qulliver Cırtdanlar ölkəsində” gənc və istedadlı rejissor Elşad Rəhimzadənin səhnələşdirdiyi eyniadlı tamaşanın quruluşçu rəssamı Elşən Sərxanoğlu, musiqi tərtibatçısı Ramiq Nəsirov, rəqslərin quruluşçusu Əməkdar Artist Sənan Hüseynli, rejissor assistenti Sona Mustafayevadır.
Dihaj "Eurovision"da oxudu - Erməni kanalı təxribat etdi
Ermənistanın birinci kanalının şərhçiləri "Eurovision" mahnı müsabiqəsinin yayımı zamanı növbəti təxribata əl atıblar. Bu barədə Rusiyanın gazeta.ru xəbər saytı məlumat yayıb. Bildirilib ki, müsabiqə zamanı Dihajın çıxışından əvvəl çarx yayımlanmağa başlayıb. Şərhçilər Dihajın və Azərbaycanın adını çəkməyiblər.
ADMİU tələbələri Ağsu rayonunda
Ağsu rayon İcra Hakimiyyəti və Mədəniyyət və İncəsənət Universitetinin təşkilatçılığı ilə Musiqi sənəti fakültəsinin professor-müəllim və tələbə heyəti ümummilli lider Heydər Əliyevin 94-cü ildönümünə həsr olunmuş konsert proqramında iştirak ediblər.
Ayla Həsənova III oldu
Mədəniyyətşünaslıq üzrə Elmi-Metodiki Mərkəzin dəstəyi ilə 2017 ilin mart ayında Həsənova Ayla Tahir qızı “Testen art Baku” müsabiqəsində 3-cü yeri tutub. Ayla Həsənova həmən ilin may ayında Türkiyənin Antalya şəhərində keçirilən Harmony müsabiqəsində Grand Prize mükafatına layiq görülmüşdü.
