Muğam Mərkəzində “Luiziana Caz Ansamblı”nın konserti

Muğam Mərkəzinin səhnəsində Yeni Orlean cazı səsləndi. Mərkəzdən "Olaylar" - a  bildirlib ki, ADA Universitetinin dəvəti ilə Amerikanın Luiziana ştatından Bakıya qastrol səfərinə gələn "Luiziana Caz Ansamblı" ötən əsrin ilk 20 illiyində yaranmış musiqi janrının unudulmaz musiqilərini ifa etdi. Gecə Beynəlxalq Muğam Mərkəzinin dəstəyi, Lider televiziyasının informasiya dəstəyi ilə keçirildi. "Luiziana Caz Ansamblı"nın yaradıcısı, Con Hopkins Universitetinin professoru, ADA Universitetinin fəxri doktoru Frederik Stardır. 1980-cı ildə Tuleyna kollecində çalışarkən Star caz ansamblı yaratdı və özü də bu ansamblda klarnetdə ifa edirdi. Ansamblın repertuarını 1930-cu illərin klassik Yeni Orlean cazı təşkil edirdi. Ansambl Amerika və Avropa qitələrində çox məşhurdur.

6 nömrəli uşaq musiqi məktəbinin  hesabat konserti

Mədəniyyət və Turizm Baş İdarəsinin Ə.Bakıxanov adına 6 nömrəli uşaq musiqi məktəbi ümummilli lider Heydər Əliyevin anandan olmasının 94-cü ildönümünə həsr olunmuş yekun hesabat konsertini təqdim edib.

Mərdəkanda Uşaqların beynəlxalq müdafiəsi günü

Rəqqasə Fatimə Fətəliyeva “Uşaqların beynəlxalq müdafiəsi günü” münasibəti ilə Mərdəkan mədəniyyət mərkəzində konsert proqramı ilə çıxış edib. Olaylar.az-a açıqlama verən ifaçı bildirib ki, uşaqlar evinin sakinlərinə həsr olunan konsertdə onunla yanaşı “Banu rəqs məktəbi”nin tələbələri də çıxış edib: “Hamı bilir ki, mən necə həssas bir insanam.

ADMİU- da “Yaz səhəri”

Mədəniyyət və İncəsənət Universitetində Musiqi sənəti fakültəsinin tələbəsinin “Yaz səhəri” adlı konserti keçirilib. Universitetdən “Olaylar” – a bildirlib ki, instrumental ifaçılıq kafedrasının II kurs tələbəsi Elnarə Məmmədovanın müşayiəti ilə Soltan Hacıbəyov adına musiqi kollecinin tələbələrinin ifasında H.Rzayevin “Cahargah rapsodiyası”, M.Əhmədovanın “Ana”, V.Adıgözəlovun “Laylay”, T.Quliyevin “Qaytağı”, “Sevgilim,” “Zibeydə”, F.Əmirovun “Oxatanların rəqsi”, C.Allahverdiyevin “Əbədi sevgi”, “Necə unudum”, “Sevəcəm”, “Zəfər himni”, S.Əliyevanın “Ana”, F.Sucəddinovun “Vətən haqqında ballada” və E.İbrahimovanın “Sən yadıma düşəndə”, “Daha məndə dözüm yox” əsərləri səslənib.

“Yaşa Azərbaycan” festivalı

 Füzuli rayonunun Horadiz şəhərində 28 may - Respublika gününün 99-cu illiyinə həsr olunmuş “Yaşa Azərbaycan” adlı festival baş tutub. Festival çərçivəsində “ASAN Könüllüləri” Cəbrayıl rayonunun işğaldan azad edilmiş yeganə yaşayış məntəqəsi olan Cocuq Mərcanlıya növbəti dəfə səfər ediblər. Xidmətdən “Olaylar” – a bildirlib ki, Füzuli Rayon İcra Hakimiyyəti, Cəbrayıl Rayon İcra Hakimiyyəti, Ailə, Qadın və Uşaq Problemləri üzrə Dövlət Komitəsi, Nazirlər Kabineti yanında Bakı Nəqliyyat Agentliyi, Bilik Fondu, "Eko Park” Ekoloji Tədqiqatlar Mərkəzi, “ASAN Könüllüləri” təşkilatı, Təhsil Nazirliyinin “Məktəblinin dostu” layihəsi və ASAN Radionun birgə təşkilatçılığı ilə baş tutan səfərdə iştirakçılar Cocuq Mərcanlıda həyata keçirilən yenidənqurma və tikinti işləri ilə yaxından tanış olublar.

İstedadlı gənc aşıqlar seçilib

Azərbaycanda gənc aşıqların ikinci müsabiqəsinə yekun vurulub. “Olaylar” – ın  məlumatına görə mayının 20-dən 25-dək davam edən müsabiqə Gədəbəy, Şəmkir, Qazax, Tovuz bölgələrini əhatə edib. Beş gün müddətində həmin bölgələrdən olan gənc istedadlı aşıqlar seçilib. Aşıqlar Birliyi və Mədəniyyət və Turizm Nazirliyinin dəstəyi ilə reallaşan layihənin rəhbəri əməkdar mədəniyyət işçisi Aşıq Ulduz Sönməzdir. Iştirakçıları Aşıq Ulduzun rəhbərlik etdiyi tanınmış aşıqlardan ibarət münsiflər heyəti seçib.

Kukla teatrında “Şahın xudpəsənd oğlu”

İyun 1 - də Uşaqların Beynəlxalq Müdafiəsi Günü münasibətilə Abdulla Şaiq adına Kukla teatrında tamaşa-konsert təqdim olunacaq. Teatrdan "Olaylar" - a bildirlib ki, teatrın nəzdində fəaliyyət göstərən "Oyuq" teatr-studiyasının  əvvəlcə repertuarlarında yer alan maraqlı səhnə işlərindən olan "Şahın xudpəsənd oğlu" tamaşasını nümayiş etdirəcək və ardında musiqi çələngini təqdim edəcəklər.

Respublika günü “Oyuq” – çular çıxış edəcək

Mütəmadi maraqlı layihələrlə balaca teatrsevərləri sevindirən, hazırladığı tamaşalarla onların tamaşaçı zövqünü formalaşdırmağa çalışan Abdulla Şaiq adına Azərbaycan Dövlət Kukla Teatrında daha bir maraqlı layihə reallaşacaq. 28 May - Respublika Günü münasibətilə Abdulla Şaiq adına Azərbaycan Dövlət Kukla Teatrında maraqlı layihə reallaşacaq. Teatrdan "Olaylar" - a bildirlib ki,  bayram günü teatrla Dənizkənarı Bulvar İdarəsi birlikdə bulvar ərazisində açıq hava konserti reallaşdıracaqlar. Teatrın nəzdində fəaliyyət göstərən "Oyuq" teatr-studiyasının həvəskar aktyorları tədbirə dəvət olunacaq valideyn himayəsindən məhrum olmuş uçaqlar, eləcə də şəhər sakinləri qarşısında öz istedadlarını nümayiş etdirəcəklər.

Velosipedin dözülməz yoxsulluğu - Şərif Ağayar

ADMİU-da konserti

ədəniyyət və İncəsənət Universitetində Rafiq Babayev adına 25 saylı 11 illik musiqi məktəbinin şagirdlərinin və Rafig's Jazz Group-un iştrakı ilə “Retro Jazz” adlı konsert keçirilib. Universitetdən “Olaylar” – a bildirlib ki, konsertdə musiqi məktəbinin şagirdləri R.Babayevin “2 prelüd”, V.Mustafazadənin “Mart”, M.Dvorjak “Etüd № 2”, D.Kramer “Petersona ithaf”, H.Lang “It’s oh so quiet”, H.Mancini “Moon river”, “The man I love”, G.Miller “In the mood” və G.Gershwin “Promenade” (“İtlə gəzinti”), II prelüd (“Caz laylası”), “Üç prelüd” I prelüd, III prelüd (“İspansayağı”), “Summertime”, “The man I love” retro jazz nümunələrini ifa ediblər.

Azərbaycanda VII Şairlər Günü qeyd olunacaq

Bir neçə il əvvəl Gənc Şairlər Birliyinin rəhbəri şair Xəyal Rzanın təklifi və təşkilatçılığı ilə əsası qoyulan bu layihə ötən illərdə daha geniş miqyasda, Türkiyə, Qırğızıstan, Özbəkistan, Gürcüstan, Ukrayna, İran və Rusiyadan dəvət olunan qonaqların iştiraki ilə keçirilib. Yazıçılar Birliyindən “Olaylar” – a bildirlib ki, 5 iyun böyük Azəbaycan şairi, yeni Azərbayan şeirinin öncülü Mikayıl Müşfiqin doğum günüdür. Odur ki, tədbirin təşkilatçıları məhz Müşfiqin adını daşıyan mükafatın şairlərə verilməsini məqsədəuyğun hesab edir. Şairlər Günün başqa bir özəlliyi isə şair və yazıçılar Müşfiqin rəmzi məzarına – Xəzər dənizinə gülsəpmə mərasimində iştirak edəcəklər..

“İntizar” nümayiş olundu

Akademik Opera və Balet Teatrında  Bəstəkarlar İttifaqının sədri, xalq artisti, professor, Milli Elmlər Akademiyasının müxbir üzvü Firəngiz Əlizadənin yubileyi münasibətilə  “İntizar” operası nümayiş olunub. Operanın libretto müəllifi akademik Nərgiz Paşayevadır. İttifaqdan “Olaylar” – a bildirlib ki,  əməkdar incəsənət xadimi Hafiz Quliyevin quruluş verdiyi tamaşada əsas partiyaları xalq artisti Qərinə Kərimova (Əsli), əməkdar artistlər Əkrəm Poladov (Seyid kişi), İnarə Babayeva (Mələk), Fərid Əliyev (Arif), İlham Nəzərov (Yad adam), Səbinə Vahabzadə və Fəridə Məmmədova (gəlinlər) və aparıcı solist Tural Ağasıyev (kəndli) ifa etdilər. Tamaşanı Azərbaycanın əməkdar artisti, dirijorların beynəlxalq müsabiqələrinin laureatı Əyyub Quliyev idarə edirdi.

“Səmayi Şəms” layihəsi təqdim edildi

Bakı Xoreoqrafiya Akademiyası "Azərbaycan Respublikasında İslam həmrəyliyi ili"nə həsr olunmuş layihələr çərçivəsində Musiqili Teatrın səhnəsində "Səmayi şəms" rəqs-tamaşasını təqdim etdi. Akademiyadan "Olaylar" - a bildirlib ki, tamaşanı möhtəşəm "Davulla rəqs" kompozisiyası açaraq, dünyaya sülh və həmrəylik mesajları göndərdi. Səhnədə İslam dünyasına daxil olan Azərbaycan, Türkiyə, İran, Albaniya, Misir, Qazaxıstan, Özbəkistan, Tacikistan, Dağıstan, bir sıra ərəb və digər müsəlman ölkələrinə məxsus milli rəqslərdən ibarət vahid ssenari üzrə rəqs-tamaşa nümayiş olundu. "Səmayi-şəms" layihəsinin bədii rəhbəri Xoreoqrafiya Akademiyasının prorektoru, xalq artisti Təranə Muradova, rejissoru "Tərəqqi" medalı kavaleri Cavid İmamverdiyevdir. Tamaşanın quruluşçu xoreoqrafları - akademiyanın Milli rəqs kafedrasının baş müəllimi, xalq artisti Yusif Qasımov və tanınmış xoreoqraf, TÜRKSOY-un baş baletmeysteri, Qazaxıstan Respublikasının Prezidenti Nursultan Nazarbayev Fondunun Mükafatı laureatı Arman Nurmaxamatulıdır. Rəqs-tamaşanın xoreoqrafları Akademiyanın Milli rəqs kafedrasının müdiri, əməkdar artist Sənan Hüseynli, müəllimlər - əməkdar artist Səbinə Qasımova, əməkdar müəllim Pellumb Aqalıyay və Kamilə Əliyevadır.

Müasir romançılığın ən yaxşı nümunəsi

Şərif Ağayarın "Arzulardan sonrakı şəhər" romanı üzərinə qeydlər Mənim mənsub olduğum ədəbi nəsil - iki minincilər nəsli 90-ların laübalı sükutundan sonra ölü mühitin içinə bir bomba kimi düşdü və bu partlayış bədii düşüncədə bir silkələnmə əmələ gətirdi. Məhrumiyyətlərin cocuğu olan bu uşaqların içindəki hüdudsuz azadlıq ədəbiyyata da yansıdı. Onlar bu söz səltənətinə içi və əli dolu gəldilər. Müstəqil ölkə onların gözü qarşısında qurulurdu və müstəqil ölkənin ən yeni ədəbiyyatı onların təfəkküründən süzülüb kitablara çevriləcəkdi. O dövrdə çoxları bu gənclərə bir qədər inamsız yanaşırdı, onların bədii mətn yaratmaq bacarığına şübhəylə yanaşırdılar. Çox qısa bir zamanda bu imzalar özlərini təsdiq etdilər və bu gün artıq həmin qələm sahibləri ədəbi prosesə yön verməkdədirlər. Yeni nəsil ədəbiyyatını onlarsız təsəvvür etmək mümkünsüzdür.

Tarix muzeyində “Mücadilə”